දීර්ඝ සේවා කාලයකින් අනතුරුව කළකිරීමක් ඇතත් තමන් සේවයෙන් විශ්‍රාම ගැනීමට තීරණය කළේ විශ්‍රාම වයසට පැමිණි ඇති නිසා බව Geoffrey Hinton පවසනවා.
වෘත්තියෙන් සංජානන මනෝවිද්‍යාඥයෙක් සහ පරිගණක විද්‍යාඥයෙක් වන ඔහු Artificial Neural Networks සම්බන්ධ දැනුම් පද්දතියට දැවැන්ත දායකත්වයක් දැක්වූවා.
‘AI Godfarther’ යන අන්වර්ථ නාමයෙන් ප්‍රකට Hinton, 2013 වසරේ සිට ගූගල් සමාගමේ සහ ටොරොන්ටෝ විශ්වවිද්‍යාලයේ සේවය කරනවා.
මේ වනවිට ජනප්‍රිය වී තිබෙන ChatGPT වැනි යෙදවුම්වල යොදාගන්නා Neural Network සහ Deep Learning සම්බන්ධව ක්‍රියාකාරන පුරෝගාමියෙකු ද වෙනවා.
මෑතකදී ඔහු පිළිබඳව වැඩි කතාබහකට ලක් වූයේ “AI දැනට මිනිසා තරම් බුද්ධිමත් නැහැ.
නමුත් එය මෑතකදී එසේ සිදු වේවි” යන ආන්දෝලනාත්මක ප්‍රකාශය හරහා යි. මෙය AI හි නැගිටීම මිනිසාගේ පාලනය අභිබවා යා හැකි බවට සිදු කළ ඉඟියක් ලෙස විචාරකයන් විග්‍රහ කරනවා.
