ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සහ ජනාධිපති කාර්ය මණ්ඩල ප්රධානී සාගල රත්නායකගේ වාහන පෙළේ දර්ශණ සිය ජංගම දුරකථනයක පටිගත කල 21 හැවිරිදි සිසුවෙකු අත්අඩංගුවට ගෙන තිබේ.
පොලිස් ආරංචි මාර්ග සඳහන් කලේ පොතුවිල් ප්රදේශයේ පදිංචි මෙම තරුණයා කොල්ලුපිටිය ශ්රීමත් අර්නස්ට් ද සිල්වා මාවතේ 28 වැනි පටුමග හන්දිය අසලදී අත්අඩංගුවට ගෙන ඇති අතර ඔහුගේ ජංගම දුරකථනය ද පොලිස් අත්අඩංගුවට ගෙන ඇති බවයි.
ප්රශ්ණ කිරීම් වලදී ඔහු පවසා ඇත්තේ පොලිස් ආරක්ෂාව සහිත ප්රභූ රථ පෙළක් තමා මීට පෙර නොදුටු බැවින් තම රථ පෙළ වීඩියෝ කල බවයි.
කොල්ලුපිටිය පොලිසියෙන් මේ පිළිබඳ විමසීමේදී ඔවුන් පවසා සිටියේ අදාළ සිදුවීම අත්වැරදීමකින් සිදු වූවක් බවයි.
