යුද හමුදා හා පොලිස් නිල ඇඳුම් සහ අයිස් මත්ද්රව්ය සමඟ පාතාලකල්ලී සාමාජිකයෙකු වන “රන්කැටියා” යන අයගේ සමීපතමයෙකු ඇතුළු පුද්ගලයින් සිව්දෙනෙකු අත්අඩංගුවට ගෙන තිබෙනවා.
මහබාගේ පොලීසියට ලැබුණු තොරතුරක් මත ඇලපිටිවල, මගුල්පොකුණ හා හොරපේ යන ප්රදේශවල සිදුකළ වැටලීම්වලදී සැකකරුවන් අත්අඩංගුවට ගත් බව පොලීසිය පවසනවා.
ඔවුන් සතුව තිබී යුද හමුදා සහ පොලිස් නිල ඇඳුම්, අත්විලංගුවක්, ව්යාජ පිස්තෝල අවියක්, අඟල් 32 දිග ඇත් දළ 02 ක් පොලිස් භාරයට ගෙන ඇත.
එමෙන්ම සැකකරුවන් දෙදෙනෙකු සන්තකයේ තිබී අයිස් මත්ද්රව්ය ග්රෑම් 12යි මිලිග්රැම් 780ක ප්රමාණයක් පොලීසිය විසින් සොයාගෙන ඇති බව සඳහන්ය.
අත්අඩංගුවට ගත් සැකකරුවන් අවුරුදු 28, 29 හා 39 වයස්වල පසුවන රාගම ප්රදේශයේ පදිංචිකරුවන් බව වාර්තාවනවා.
එක් සැකකරුවෙකු යුද හමුදාවේ සේවය කර ඇති බවට සිදුකරන ලද විමර්ශනයේදී අණාවරණය වී තිබෙනවා.
තවත් සැකකරුවෙකු පාතාල කල්ලී සාමාජිකයෙකු වන “රන්කැටියා” යන අයගේ සමීපතමයෙකු වන අතර ඔහු සම්බන්ධයෙන් රැඳවුම් නියෝග ලබා ගැනීමට නියමිත බව පොලීසිය පවසන්නේ.
