කතාබහට ලක්ව තිබෙන බහාලුම් 323 මුදාහැරීම ගැන ප්‍රකාශ ලබාදීම සඳහා පාර්ලිමේන්තු මන්ත්‍රී දයාසිරි ජයසේකර අද (6) අපරාධ පරීක්ෂණ දෙපාර්තමේන්තුවට පැමිණ ඇති බව වාර්තා වේ.
එහිදී ඔහු පවසා සිටියේ, බහාලුම් මුදාහැරීම ගැන කැඳවිය යුතුව ඇත්තේ විෂයභාර අමාත්‍යවරයා හා නිදහස් කළ කමිටුව බවත්, එහෙත් කැඳවා ඇත්තේ ප්‍රශ්නය ඉදිරිපත් කළ අයව පමණක් බවත් මන්ත්‍රීවරයා පවසයි.
එමෙන්ම අපරාධ පරීක්ෂණ දෙපාර්තමේන්තුව ආණ්ඩුවේ ආයතනයක් බවට පත්කරගෙන ඇති බවද පැවසීය.
තවද විපක්ෂය මර්දනය කිරීමටත්, ආණ්ඩුවේ අයව බේරීමටත් අපරාධ පරීක්ෂණ දෙපාර්තමේන්තුව යොදාගන්නා බවද ඔහු වැඩිදුරටත් පවසා ඇත.
