මෙවර උසස් පෙළ විභාගයට පෙනී සිටි බම්බලපිටිය ප්රදේශයේ පාසලක 13 වන වසරේ අධ්යාපනය ලබන සිසුවියක් අද (11) දහවල් විද්යාලයේ තෙමහල් ගොඩනැගිල්ලකින් පහළට පැනිමෙන් බරපතල තුවාල ලබා රෝහල් ගත කර ඇතැයි බම්බලපිටිය පොලිසිය පවසයි.
එම අනතුරින් ඇයගේ පාද දෙකට පමණක් තුවාල සිදුවී ඇයගේ දිවි බේරීම ආශ්චර්යයක් යැයි සිද්ධිය ඇසින් දුටුවෝ පවසූ බව පොලිසිය සඳහන් කරයි.
බරපතල තුවාල ලද 19 හැවිරිදි තරුණිය මොරටුව පදිංචිකාරියක් වන අතර සිසුවිය මෙවර උසස් පෙළ විභාගයට දෙවනවර පෙනී සිටින ශිෂ්යාවක් බවයි වාර්තා වන්නේ.
ජීව විද්යා ප්රශ්න පත්රය ලබාදීමට විනාඩි පහළොවකට පමණ පෙර පාසලේ තෙමහල් ගොඩනැගිල්ලේ කෙටි තාප්පය මතින් ඇය මෙලෙස පහළට පැන ඇති බව පොලිස් විමර්ශනවලදී අනාවරණය වී තිබේ.
පිටතට පැනීමත් සමඟම ඇයගේ සිරුර පතිත වී ඇත්තේ කාපට් අතුරන ලද මාර්ගයකට බව එම ආරංචි මාර්ග සඳහන් කරයි
ඇය විභාගයට පෙනී සිටීමට යම් බියකින් පසු වී ඇති බව පවුලේ සමීපතමයන්ගෙන් ලබාගත් ප්රකාශවලින් අනාවරණය වී ඇතැයි ද උසස් පොලිස් නිලධාරියෙක් සඳහන් කලේය.
බම්බලපිටිය පොලිසියේ වැඩ බලන ස්ථානාධිපති ප්රධාන පොලිස් පරීක්ෂක ඩි. ආර්. ඒ. ජේ. බි. දෙහිගමගේ උපදෙස් මත සිද්ධිය සම්බන්ධයෙන් විමර්ශන සිදු කෙරෙයි.
