පාර්ලිමේන්තු මන්ත්රී ජගත් මනුවර්ණව අත්අඩංගුවට නොගන්නේ මන්දැයි සමාජ මාධ්යවලින් ව්යාජ ප්රචාරයන් සිදු කළද ඔහුව අත්අඩංගුවට ගැනීමට කිසිදු හේතුවක් තිබී නැති බව වාර්තා වේ.
තේ පැන් සංග්රහය ජගත් මනුවර්ණ මගහැර ඇති බවත්, ඔහුව අත්අඩංගුවට නොගෙන හැංගී සිටින බවත් මාධ්යවලින් ප්රචාරය කෙරුණු අතර නමුත් ඒ ප්රචාරයන් ගිය කාල සීමාවේදී ජගත් මනුවර්ණට වරෙන්තුවක් තිබී නොමැති බවයි සදහන් වන්නේ.
ඔහුට දින කිහිපයකට පෙර නඩු වාරයකට සහභාගී නොවූ නිසා වරෙන්තුවක් නිකුත් කර ඇතත්, එය ඉන් පසු දිනම ඉවත් කරගෙන ඇත.
ජගත් මනුවර්ණ වරෙන්තුව නිකුත් කළ දිනට පසු දිනම අධිකරණයට ඉදිරිපත් වී ඇති අතර ඒ මෝෂන් පත්රයක් ඉදිරිපත් කරමින් තමන් අධිකරණයට ඉදිපත් නොවීම පිළිබද කරුණු දැක්වීමෙන් පසුවයි.
මේ අතර, තමන් කිසිසේත්ම අධිකරණයෙන් හෝ නීති ක්රියාවලියෙන් මඟහැර නොසිටි බව ජාතික ජන බලවේගයේ පාර්ලිමේන්තු මන්ත්රී ජගත් මනුවර්ණ පාර්ලිමේන්තුවේදී ප්රකාශ කර තිබේ.
පසුගිය අයවැය කතාවෙන් අනතුරුව පැවති තේ පැන් සාදයට තමන් සහභාගී නොවුණේ, වරෙන්තු පිට සිටීම හේතුවෙන් මාධ්යයෙන් සැඟව සිටීමට අවශ්ය නිසා බවට මාධ්ය වාර්තා පළ කර තිබුණු බව ඔහු එහිදී කියා සිටියේය.
මන්ත්රීවරයා පෙන්වාදෙන්නේ, මෙම නඩුව වසර 17ක් තිස්සේ විභාග වන බවත් තමන් කිසිම අවස්ථාවක අධිකරණය මඟහැර නොමැති බවයි.
නිශ්චිත දිනක උසාවියට ඉදිරිපත් වීමට නොහැකිවීම සම්බන්ධයෙන් ලියකියවිලි ප්රමාණයක් අධිකරණයට ඉදිරිපත් කළ නමුත්, අධිකරණය එය ප්රතික්ෂේප කර ඇති අතර, එය අධිකරණයේ අභිමතය බව මන්ත්රීවරයා සඳහන් කරයි
කෙසේවෙතත්, වරෙන්තුව නිකුත් වූ පසුවදාම තමන් මෝසමක් දමා උසාවියට ඉදිරිපත් වී, එම වරෙන්තුව කැඳවා ඇති බවට පෙන්වාදුන් මන්ත්රීවරයා, නඩුවේ කටයුතු සඳහා නිසි ආකාරයෙන් සහභාගී වන බවත් එහිදී කියා සිටියි.
ඔහු අවධාරණය කළේ මාධ්යය විසින් තමන් උසාවිය මගහරිමින් සිටින බවට නැවත නැවත වාර්තා කිරීම හේතුවෙන් තමන් පමණක් නොව, මෙරට පොලිස් සේවය අපහසුතාවයට පත්වන බවයි.
මෙවැනි වාර්තාකරණයන් නිසා පොලිසිය ඔවුන්ගේ රාජකාරිය අකුරට ඉටු නොකරන බවට ජනමතයක් සමාජගත වීමට හැකි බවද මන්ත්රීවරයා පවසයි
“අධිකරණයේ ක්රියාවලියට අපි ඉතාම ඉහළින් ගරු කරනවා වගේම, ඒවට නිසියාකාරයෙන් අපට තියෙන නඩුවෙන්න පුළුවන්, චෝදනා වෙන්න පුළුවන්, ඒවට නිසි ආකාරයෙන් පිළිතුරු දෙමින් අවශ්ය පරීක්ෂණ කටයුතුවලට සහාය දක්වන්නන අපි ඉදිරිපත් වෙනවා.”
