හිටපු කථානායක පාර්ලිමේන්තු මන්ත්රී අශෝක රන්වල ධාවනය කළ ජීප් රථය තවත් මෝටර් රථයක මුහුණට මුහුණ ගැටී සිදුවූ අනතුර සම්බන්ධයෙන් තවත් තොරතුරු අනාවරණය වී තිබේ.
ඊයේ (11) පස්වරුවේ සපුගස්කන්ද දෙනිමල්ල ප්රදේශයේ අදාළ අනතුර සිදුවී ඇති බව පොලීසිය සඳහන් කළේය.
අනතුරින් මෝටර් රථයේ ගමන්කළ 25 හැවිරිදි කාන්තාවක්, මාස 6ක් පමණ වයසැති ඇයගේ බිලිඳිය සහ 55 හැවිරිදි මිත්තනිය තුවාල ලබා රෝහල්ගත කර තිබුණි.
පොලිසිය පැවසුවේ අදාළ බිලිඳිය ප්රතිකාර සඳහා රිජ්වේ ආර්යා ළමා රෝහලටත් ඇතුළත් කෙරුණු බවයි.
එමෙන්ම අනතුරින් තුවාල ලැබූ ජීප් රථයේ ගමන් ගත් අශෝක රන්වල මන්ත්රීවරයාද ප්රතිකාර සඳහා රාගම රෝහලට ඇතුළත් කර ඇති බව වාර්තා වෙයි.
මේ අතර අනතුරට ලක් වු මෝටර් රථයේ සිටි පාර්ශවයෙන් චෝදනා කරන්නේ පාර්ලිමේන්තු මන්ත්රී අශෝක රන්වල බීමත්ව සිටි බවයි.
කෙසෙ නමුත් අනතුරට ලක්වූ ජීප් රථය සහ මෝටර් රථයට අමතරව සිද්ධියට සම්බන්ධ යතුරුපැදියක්ද පොලිස් භාරයට ගෙන ඇත.
අනතුර සම්බන්ධයෙන් සපුගස්කන්ද පොලිසිය වැඩිදුර විමර්ශන සිදුකරයි.
