ශ්‍රී ලංකාව දෙසැම්බර් මාසයේදි ජාත්‍යන්තර මූල්‍ය අරමුදලෙන් (IMF) බලාපොරොත්තු වූ ණය මුදල ලබා ගැනීමට නොහැකි වනු ඇති බවට ඉන්දීය මාධ්‍ය වාර්තා කර තිබෙනවා.
ආර්ථික විශේෂඥයන් උපුටා දක්වමින් එම මාධ්‍ය වාර්තා පෙන්වා දී ඇත්තේ මෙය රට මුහුණ දී සිටින ආර්ථික අර්බුදය තවදුරටත් ව්‍යාකූල කරනු ඇති බවයි.
මෙම ණය මුදල ලබාගැනීමට නොහැකිවීමට බලපා ඇති ප්‍රධාන හේතුව චීනය විසින් ණය ප්‍රතිව්‍යුහගතකරණයට අදාළ සාකච්ඡා ආරම්භ නොකිරීම බව සඳහන්.
මේ හේතුවෙන් ශ්‍රී ලංකාවට ලබන මාසයේ දී ජාත්‍යන්තර මුල්‍ය අරමුදලෙන් ඩොලර් බිලියන 2.9 ක් ලබා ගැනීම සදහා වන කොන්දේසි සම්පූර්ණ කිරීමට නොහැකි වනු ඇති බවයි පැවසෙන්නේ.
එම පසුබිම තුළ අදාළ ණය මුදල ලබාගැනීමට ලබන වසරේ මාර්තු මාසය තෙක් බලා සිටීමට සිදුවනු ඇති බව එම වාර්තා පෙන්වා දෙනවා.
කෙසේ වෙතත් මෙරට ප්‍රධාන ණය දෙන්නන් අතර සිටින ජපානය සහ ඉන්දියාව ණය ප්‍රතිව්‍යුහගත කිරීමට අදාළ සාකච්ඡා මේ වනවිටත් ආරම්භ කර තිබෙනවා.
මේ අතර, ජාත්‍යන්තර මූල්‍ය අරමුදලේ වැඩසටහනට අනුමැතිය ලබා ගැනීමේ තවත් පියවරක් ලෙස මෙරට නිල ණයහිමියන් සමඟ සාකච්ඡාවක් පැවැත් වූ බව ජනාධිපති මාධ්‍ය අංශය නිවේදනය කළා.
මුදල් අමාත්‍යාංශ ලේකම් මහින්ද සිරිවර්ධන සහ මහ බැංකු අධිපති ආචාර්ය නන්දලාල් වීරසිංහගේ ප්‍රධානත්වයෙන් ඊයේ එම සාකච්ඡාව පවත්වා තිබුණේ මාර්ගගත තාක්ෂණය ඔස්සේයී.
ශ්‍රී ලංකාව තීරණාත්මක අවධියක සිටින අතර, සාර්ව ආර්ථික ස්ථාවරත්වය යථා තත්ත්වයට පත් කිරීම සඳහා කඩිනමින් ජාත්‍යන්තර මූල්‍ය අරමුදලේ අනුමැතිය ලබා ගැනීම අපේක්ෂාව බවයි එහිදී මහ බැංකු අධිපතිවරයා සඳහන් කළේ.
මේ අතර, ශ්‍රී ලංකා මහ බැංකුවේ ස්වාධීනත්වය ශක්තිමත් කෙරන නව පනත් කෙටුම්පතක් සම්මත කර ගැනීමේ අපේක්ෂාවෙන් ඒ සඳහා නුදුරේදීම අමාත්‍ය මණ්ඩල අනුමැතිය ලබාගැනීමට නියමිත බවද මහ බැංකු අධිපති ආචාර්ය නන්දලාල් වීරසිංහ කියා සිටියා.
පොලිස් නිලධාරින් යැයි කියමින් කහවත්තේදී තරුණයකු පැහැරගෙන ගොස් මාංචු දමා දණගස්වා හිසට වෙඩි තබා ඝාතනය…
හිටපු අමාත්‍ය මනූෂ නානායක්කාර මහතාගේ පෞද්ගලික ලේකම් ශාන් යහම්පත් අල්ලස් කොමිසම විසින් අත්අඩංගුවට ගෙන ඇති…
ඇල්පිටිය මූලික රෝහලේ මෘත ශරීරාගාරයේ මළ සිරු තැන්පත් කරන ශීතකරණය මේ වන විට මාස හයකට…
භාණ්ඩාගාරය විසින් පූර්ව රජය සමයේදී භාරගත් ලංකා ඛනිජ තෙල් නීතිගත සංස්ථාවේ (CPC) සම්පූර්ණ ණය මුදල…
දේශීය ආදායම් දෙපාර්තමේන්තුවට ගෙවිය යුතු රුපියල් ලක්ෂ 11ක පමණ හිඟ බදු මුදලක් ඉවත් කර දීම…
අල්ලස් කොමිසම විසින් සිදු කරනු ලබන විමර්ශනයකට අදාළව අපරාධ පරීක්‍ෂණ දෙපාර්තමේන්තුවේ හිටපු අධ්‍යක්ෂ විශ්‍රාමික නියෝජ්‍ය…