හම්බන්තොට දිස්ත්‍රික්කයේ මන්දපෝෂණ තත්ත්වයන් සම්බන්ධයෙන් ප්‍රකාශයක් සිදුකළ වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානයේ සභාපති වෛද්‍ය ජී ජී චමල් සංජීව අද (22) ශ්‍රේෂ්ඨාධිකරණය ට මූලික අයිතිවාසිකම් නඩුවක් ගොනු කළේය.
තම වැඩ තහනම් කිරීමට අදාළව රාජ්‍ය සේවා කොමිසන් සභාව සහ සෞඛ්‍ය අමාත්‍යාංශයේ ලේකම්වරයා විසින් නිකුත් කළ ලිපි රටේ ආණ්ඩුක්‍රම ව්‍යවස්ථාවට පටහැනි බවට නියෝගයක් ලබා දෙන ලෙස එම මූලික අයිතිවාසිකම් නඩුවෙන් ඉල්ලා තිබිණි.
මෙයට අමතරව තමාගේ මූලික අයිතිවාසිකම් කඩවීම වෙනුවෙන් සෞඛ්‍ය අමාත්‍ය කෙහෙළිය රඹුක්වැල්ල සෞඛ්‍ය ලේකම් ජනක ශ්‍රී චන්ද්‍රගුප්ත සෞඛ්‍ය සේවා අධ්‍යක්ෂ ජෙනරාල් අසේල ගුණවර්ධන ඇතුළු සෞඛ්‍ය අමාත්‍යාංශයේ නිලධාරීන් 25 කට ආසන්න ප්‍රමාණයකින් රුපියල් ලක්ෂ 1000 ක වන්දි මුදලක් ද ඔහු ඉල්ලා ඇත.
මේ මෙතෙක් ශ්‍රී ලංකාවේ රාජ්‍ය නිලධාරිවරයෙකු දෙපාර්තමේන්තුවකට විරුද්ධව පණවා ඇති විශාලතම වන්දි මුදල ඉල්ලා සිටිමේ නඩුවය.
පසුගිය සැප්තැම්බර් මාසයේ දහනම වන රජයේ නිවාඩු දින හම්බන්තොට දිස්ත්‍රික්කයේ සූරියවැව අඩු ආදායම්ලාභී පවුල්වල දරුවන් ආශ්‍රය කොට හා සිවිල් අයිතිවාසිකම් ගැන වෛද්‍යවරුන්ගේ වෘත්තීය සමිති සන්ධානය නියෝජනය කරමින් වෛද්‍ය චමල් සංජීව විසින් සිදු කරනු ලැබූ මාධ්‍ය ප්‍රකාශයක් පදනම් කොට සෞඛ්‍ය අමාත්‍යාංශය පසුගියදා ඔහුගේ වැඩ තහනම් කිරීමට ලක් කරන ලදී.
රටේ පිළිගත් වෘත්තීය සමිති ව්‍යාපාරයක නායකයෙකු ලෙස ද ආණ්ඩුක්‍රම ව්‍යවස්ථාවට අනුව පුද්ගලයින්ට පවතින භාෂණය අයිතියද ආයතන සංග්‍රහය කින් සීමා කළ නොහැකි බවට වෛද්‍ය චමල් සංජිවගේ නීතිඥයින් අධිකරණය හමුවේ පෙන්වා දී ඇත.
යුනිසෙෆ් වාර්තා කළේ දරුවන් අතර 50000 ආසන්න ප්‍රමාණයක් උග්‍ර මන්දපෝෂණයෙන් පෙළෙන බවයි.
කෙහෙළිය රඹුක්වැල්ල, ජනක ශ්‍රී චන්ද්‍රගුප්ත, අසෙල ගුණවර්ධන, සුනිල් ද අල්විස් ලාල් පනාපිටිය, සුදත් රත්නවීර, ලොෂිණී පීරිස්, වසන්ත කුලතිලක, ජනක සුගතදාස ඇතුළු නිලධාරීන් විස්සකට අධික ප්‍රමාණයක් ද නීතිපතිවරයාද මෙම නඩුවේ වගඋත්තරකරුවන් ලෙස නම් කොට ඇත.
වෛද්‍ය චමල් සංජීව මහතා වෙනුවෙන් මෙම මූලික අයිතිවාසිකම් පෙත්සමේ දී ජනාධිපති නීතිඥ සාලිය පීරිස්, කනීල් මද්දුමගෙ,මනොජ් නානායක්කාර, අමිල එගොඩවත්ත ඇතුළු නීතිඥ මණ්ඩලයක් පෙනී සිටීමට නියමිතයි.
ශ්‍රේෂ්ඨාධිකරණයට මෙම පෙත්සම වෛද්‍ය චමල් සංජීව වෙනුවෙන් ඉදිරිපත් කොට ඇත්තේ නීතිඥ ප්‍රවීන් ප්‍රේමතිලක විසිනි.
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…