ඉදුරුව රෝහලේ කාර්යය මණ්ඩලයේ පස් දෙනෙකු කිලෝමීටර් 40 කට අධික දුරක් ගෙවා රෝහලේ ගිලන් රථයෙන් පේන ඇසීමට සාත්තර කියන ස්ථානයක් වෙත ගොස් ඇත්තේ රෝහලේ තිබූ ගෑස් සිලින්ඩර් දෙකක් සොරකම් කිරීමේ සිද්ධියක් සම්බන්ධයෙන් තොරතුරු දැන ගැනීමට බව සිද්ධිය සම්බන්ධයෙන් පරීක්ෂණ පවත්වන දකුණු පළාත් සෞඛ්‍ය සේවා පරික්ෂණ කණ්ඩායම් අනාවණය කර ගෙන තිබෙන දකුණු පළාත් සෞඛ්‍යය සේවා අධ්‍යක්ෂ කාර්යාලයේ ප්‍රකාශකයෙන් අද (27) සදහන් කළේය.
ඉදුරුව රෝහලේ මීට පෙර සිදු වූ යතුරු පැදි සොරකමක් හා ඖෂධ සොරකමක් සම්බන්ධයෙන් බටපොල, නින්දාන ප්‍රදේශයේ මෙම පේන කියන මෙම සාස්තරපලට රෝහල් කාර්ය මණ්ඩලය පැමිණ පේන අසා ඇති බවද දකුණු පළාත් සෞඛ්‍ය සේවා අධ්‍යක්‍ෂක කාර්යාලයේ පරීක්ෂණ කණ්ඩායම තහවුරුකර ගෙන තිබේ.
සාස්තර කියන ස්ථානය කියන ලද පේන ඔස්සේ අස්ථාන ගත වූ භාණ්ඩ සොයා ගැනීමට හැකි වී තිබෙන බවද ඒ ඔස්සේ ගොඩ නැගුණ විශ්වාසය හේතුවෙන් මෙවරද ගිලන් රථයෙන් පේන ඇසීමට ගොස් තිබෙන බවට තොරතුරු ඇතැයි දකුණු පළාත් සෞඛ්‍ය සේවා පරීක්ෂණ කණ්ඩායම තහවුරු කරගෙන තිබේ. ඒ ඔස්සේ හෙට (28) දින ඉදුරුව රෝහල් කාර්යය මණ්ඩලයෙන් කරුණු විමසන බවද පරික්ෂණ කණ්ඩායම කියයි.
කෙසේ වෙතත් ඉදුරුව රෝහලේ සිට මෙතරම් විශාල දුරක් ගෙවා ගිලන් රථය ධාවනය කර ඇත්තේ එහි රියදුරුට ලබා දී ඇති උපදෙස් බරපතල ලෙස උල්ලංඝනය කරමින් නියමිත මාර්ග ඔස්සේ නොවන බවද අදාල පරීක්ෂණ කණ්ඩායම තහවුරු කරගෙන ඇතැයි දකුණු පළාත් සෞඛ්‍ය සේවා අධ්‍යක්ෂ කාර්යාලය කියයි. සිද්ධිය වූ බව කියන දිනයේ ගිලන් රථය බටපොළ, නින්දාන පාසැල අසලට ගොස් තිබෙන බවද පරීක්ෂ කණ්ඩායම තහවුරු කරගෙන තිබේ.
ඉදුරුව රෝහලේ සිට බලපිටිය මූලික රෝහලට රෝගීන් ප්‍රවාහනය කිරීමට අදාල ගිලන් රථ රියදුරාට පවරා තිබූ කාර්යය බවද එය නිසි ලෙස ඉටු නොකිරීම සම්බන්ධයෙන් ඔහුට විරුද්ධව ද විනයානුකූල පරික්ෂණ පවත්වන බවද දකුණු පළාත් සෞඛ්‍ය සේවා අධ්‍යක්‍ෂක විශේෂඥ වෛද්‍ය චන්දිම සිරිතුංග ප්‍රකාශ කළේය.
සිද්ධියට අදාලව රෝහල් අධ්‍යක්ෂවරයාගේ සිට සියලුම පුද්ගලයින්ගෙන් ප්‍රකාශ සටහන් කරගනිමින් විමර්ශන නිසි පරිදි ක්‍රියාත්මකව ඇති බව ද ඔහු කිවේය.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…