ක්‍රීඩකයින්ගේ දෝෂාරෝපණ ගැන අමාත්‍යංශ ලේකම්ගෙන් ප්‍රකාශයක් !

රටට කීර්තියක් ගෙන ඒමට දායක වු ක්‍රීඩකයින් දිගින් දිගටම දෝෂාරෝපණයට ලක්කිරීම අනුමත කළ නොහැකි බව ක්‍රීඩා අමාත්‍යංශ ලේකම් විශේෂඥ වෛද්‍ය අමල් හර්ෂ මහතා පවසයි.

ඔහු පැවසුවේ, ක්‍රීඩකයින්ගේ වැරදි සඳහා ඊට අදාළ නිසි පියවර ගැනීම වෙනුවට වෙනත් විවේචන සිදුකිරීමට යොමුවීම සුදුසු නොවන බවය.

කොළඹ පැවති උත්සවයකට එක්වෙමින් ක්‍රීඩා අමාත්‍යංශ ලේකම් විශේෂඥ වෛද්‍ය අමල් හර්ෂ මහතා එම අදහස් පළ කළේය.

“හදවතට තට්ටු කරලා ඇහුවොත් අපි දන්නවා මේ අකටයුතුකම් සිද්ධවෙන්න ඕනේ නෑ කියලා. කවුරුත් ඒක පිළිගන්නවා. හැබැයි ඇයි කතා කරන්න බය. ඒකට ඇක්ෂන් ගන්න බයයි. ඒ වගේ තත්ත්වයක් තමා අපි හුඟාක් වෙලාවට දකින්නේ. මම හිතන්නේ එහෙම නැතිව අපි හරි දේ හරි කියලා කියන්නත් වැරදි දේ වැරදි දේ දකින්නත් පුළුවන් වුණොත් විතරයි අපි මේ ක්‍රීඩාවෙන් ජයග්‍රහණයක් ලබාගන්න පුළුවන්. ක්‍රිකට්වලින් ගත්තොත් ඒෂියන් චැම්පියන්ස්. නෙට්බෝල් ඒෂියන් චැම්පියන්ස්. දකුණු ආසියාවේ වේගත්ම මිනිසා යුපුන් අබේකෝන්. රෙස්ලින්, චෙස්, කැරම් අපි ඒවා හොඳින් කරනවා. අපි දෙයක් අගය කළේ නැත්නම් ඒක තව තව පහළට කඩා වැටෙනවා. දෝෂාරෝපණය විතරක් කරන්න ගියොත් ඒ අය මානසිකව කඩා වැටෙනවා. ශාරීරිකව කඩා වැටෙනවා. කරන දේත් හරියට කරගන්න බැරි වෙනවා.”