ප්‍රංශයට ජය

ලෝක කුසලාන පාපන්දු තරගාවලියේ සුපිරි 16 දෙනාගේ වටයෙන් අර්ධ අවසන් පූර්ව වටයට පිවිසීමේ අවස්ථාව ලෝක ශූර ප්‍රංශ කණ්ඩායම විසින් දිනා ගත්තා.

ඒ ප්‍රබල පෝලන්ත කණ්ඩායම 3-1ක් වශයෙන් පරාජය කරමින්.

එහි දී ගියවර ලෝක ශූර ප්‍රංශ පිළේ සුපිරි ක්‍රීඩක kylian mbappé විසින් ගෝල දෙකක් වාර්තා කළ අතර Olivier Giroud විසින් එක් ගෝලයක් වාර්තා කළා.

පෝලන්ත කණ්ඩායම විසින් ලබා ගත් එක ම ගෝලය වාර්තා කිරීමට සමත් වූයේ පෝලන්ත නායක Robert Lewandowski විසින්.

මෙම පරාජයත් සමග පෝලන්ත කණ්ඩායමේ ලෝක කුසලාන සිහිනය බොඳව ගියා.