විදුලි බිලේ වෙනසක් !

විදුලිබල හා බලශක්ති අමාත්‍ය කංචන විජේසේකර, වියදම් සහ පිරිවැය අඩු කිරීම සම්බන්ධයෙන් ලංවිම නියෝජිතයන් සමඟ  සාකච්ඡාවක් පවත්වා තිබෙනවා.

එහිදී නව ලංවිම මූලස්ථානයේ ඉදිකිරීම් කටයුතු සිදුකරන ලෙසයි අමාත්‍යවරයා ලංවිමට දැනුම් දී ඇත්තේ.

එමෙන්ම සියලුම ලංවිම පාරිභෝගිකයින්ට ජනවාරි මාසයේ සිට විදුලි බිල වෙනුවට කඩදාසි රහිත බිල්පත් සහ රිසිට්පත් හඳුන්වා දීමට තීරණය කර ඇති බව ද එහිදී අමාත්‍යවරයා වැඩිදුරටත් පැවසුවා‍.

තවද වීදි ලාම්පු සවි කිරීම සහ ක්‍රියාත්මක කිරීම, දැනට සිටින කාර්ය මණ්ඩලයෙන් සිදු කළ යුතු බාහිර සේවා සහ ලංවිමට කළ නොහැකි වැඩ ප්‍රාදේශීය සභා සහාය ඇතිව සිදු කිරීමට ද තීරණය කළ බවයි අමාත්‍යවරයා එහිදී වැඩිදුරටත් පැවසුවේ‍.