හිටපු ජනාධිපති, ශ්‍රී ලංකා පොදුජන පෙරමුණේ නායක මහින්ද රාජපක්ෂ මහතා ශ්‍රී ලංකා පොදුජන පෙරමුණට විශේෂ දැනුම් දීමක් සිදු කර තිබෙනවා.
ඒ විවිධ වැරදි සම්බන්ධයෙන් චෝදනා ලැබූවන්ට ඉදිරි පළාත් පාලන මැතිවරණයේ නාම යෝජනා ලබානොදෙන ලෙසයි.
පොදුජන පෙරමුණෙන් ඉදිරි පළාත් පාලන මැතිවරණය සඳහා ඉදිරිපත් වීමට බලාපොරොත්තු වන අපේක්ෂකයන්ගෙන් අයැදුම්පත් කැඳවීමට එම පෙරමුණ මේ වන විට තීරණය කර ඇති නිසා පක්ෂ නායකයා ලෙස මෙම තීරණය ගෙන තිබෙන බව එම පක්ෂ ආරංචි මාර්ග පවසනවා.
එමෙන්ම මෙම අයැදුම්පත් සලකා බැලීමේදී උගත්කම පිළිබඳව සේම ඔහු හෝ ඇය දේශපාලනයේ ප්‍රායෝගිකව නිරතව ගමේ ජනතාව සමඟ වැඩ කටයුතු කළ අයෙකුද යන්න පිළිබඳවද මූලික අවධානය යොමුකරන ලෙසද මහින්ද රාජපක්ෂ මහතා ශ්‍රී ලංකා පොදුජන පෙරමුණට දැනුම් දී තිබෙනවා.
එමෙන්ම පොදුජන පෙරමුණු ජාතික සංවිධායක බැසිල් රාජපක්ෂ මහතාද මෙම කරුණු පිළිබඳ වැඩි අවධානය යොමුකළ යුතු බව පක්ෂ ප්‍රබලයන්ට දැනුම් දී තිබෙනවා.
විශේෂයෙන්ම ඉදිරි පළාත් පාලන මැතිවරණය සඳහා දක්ෂ තරුණ නියෝජිතයන් ඉදිරිපත් කිරීමට වැඩි අවධානයක් යොමු කිරීමට පොදුජන පෙරමුණ තීරණය කර ඇති අතර පළාත් පාලන මැතිවරණයට අදාළ අයැදුම්පත් පිළිබඳ තනි තනිව අධ්‍යයනය කිරීමටද පොදුජන පෙරමුණ තීරණය කර තිබෙනවා.
මේ සම්බන්ධයෙන් විශේෂ සාකච්ඡාවට කිහිපයක් පසුගිය සතියේ නෙළුම් මාවත පොදුජන පෙරමුණු පක්ෂය කාර්යාලයේදී බැසිල් රාජපක්ෂ මහතාගේ ප්‍රධානත්වයෙන් පවත්වා ඇති බව වාර්තා වනවා.
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…
ලංකා විදුලිබල මණ්ඩලයේ නව සභාපති ලෙස ඉංජිනේරු මහාචාර්ය කේ.ටී.එම්.යූ. හේමපාල පත්කර ඇති බව වාර්තා වේ.…
ශ්‍රී ලංකා ක්‍රිකට් ආයතනය සමග ගිවිසුම්වලට එළඹ සිටින ජාතික තලයේ ක්‍රිකට් ක්‍රීඩකයින් එම ආයතනයේ සේවකයින්…
අද (03) දහවල් පුද්ගලයෙකු විසින් පුලියන්කුලම පොලිස් බල ප්‍රදේශයේ පදිංචි ගුරුවරියකුගේ ගෙල කපා පුලියන්කුලම පොලිස්…