කොල්ලුපිටියේ මාරක රිය අනතුරෙන් පසු ඩුබායි පලාගිය රියදුරු පොලිස් අත්අඩංගුවට (VIDEO)

කොළඹ, කොල්ලුපිටිය ප්‍රදේශයේදී ඉකුත් 10 වන දින මාරක රිය අනතුරක් සිදු කර ඩුබායි වෙත පළා ගිය කෝටිපති ව්‍යාපාරික තරුණයා යළිත් කටුනායක ගුවන්තොටුපළ වෙත පැමිණෙමින් සිටියදී ඊයේ (දෙසැ. 12) දින රාත්‍රී ආගමන විගමන දෙපාර්තමේන්තු නිලධාරීන් මගින් අත්අඩංගුවට ගෙන තිබේ.

අදාළ තරුණයා ඊයේ රාත්‍රී 09.50ට ඩුබායි සිට එමිරේට්ස් ගුවන් සේවයේ EK – 648 දරන ගුවන් යානයෙන් කටුනායක ගුවන්තොටුපළ වෙත පැමිණ ඇත.

එම අවස්ථාවේ කටුනායක ගුවන්තොටුපළ පැමිණීමේ පර්යන්තයේ රාජකාරීවල නිරත වී සිටි ආගමන විගමන දෙපාර්තමේන්තු නිලධාරීන් ඔහු හදුනා ගෙන අත්අඩංගුවට ගෙන තිබේ.

ඉන්පසුව මෙම තරුණයා කටුනායක ගුවන්තොටුපළ පොලිසිය වෙත භාර දී ඇත.

කටුනායක ගුවන්තොටුපළ පොලිසියේ දැනුවත් කිරීම මත කොළඹ කොල්ලුපිටිය පොලිසියේ නිලධාරීන් පිරිසක් කටුනායක ගුවන්තොටුපළ පොලිසිය වෙත පැමිණ ඔහු කොල්ලුපිටිය පොලිසිය වෙත රැගෙන ගොස් තිබේ.

අදාළ අනතුර සිදුවන අවස්ථාවේදී රථයේ සිටි මෙම පුද්ගලයා පලාගොස් සිටි අතර රථයේ රැඳී සිටි කාන්තාවකට අදාළ ප්‍රදේශවාසින් විසින් පහරදීමක් සිදුකොට තිබුණා.

ඊට අදාළ වීඩියෝ දර්ශන පහතින්,