වළගම්බා රජ්ජුරුවන්ට අයත් බව පවසා රැගෙන ආ පෞරාණික බවක් පෙනෙන අසිපතක් විකිණීමට පැමිණි පුද්ගලයන් දෙදෙනකු එම අසිපත සමඟ අත්අඩංගුවට ගත් බව පානදුර වලාන මධ්‍යම දූෂණ මර්දන ප්‍රහාරක ඒකකය කියයි. අසිපත අල්ලන කොටස මකරෙකුගේ රුවකින් සමන්විත අතර, එහි දිග අගල් 23 ක් සහ බර ග්‍රෑම් 750ක් බව ද පොලිසිය පවසයි.මහියංගන ප්‍රදේශයේ රක්ෂිතයක පිහිටි විශාල ගල් ලෙනක නිධන් කර තිබී ගොඩගත් බව කියන වළගම්බා රජු පරිහරණය කරන ලද මකර රුව සහිත අසිපතක් රුපියල් ලක්ෂ හතළිහකට විකිණීමට පුද්ගලයන් දෙදෙනකු ගැනුම්කරුවකු සොයන බවට පානදුර වලාන මධ්‍යම දූෂණ මර්දන ප්‍රහාරක ඒකකයේ අධ්‍යක්ෂ සහකාර පොලිස් අධිකාරි උදය කුමාර මහතාට ලැබුණු තොරතුරකට අනුව වැටලීම සිදුකර ඇත.
පෞරාණික භාණ්ඩ භාණ්ඩ මිලදී ගන්නා ව්‍යාපාරිකයන්සේ පොලිස් නිලධාරීන් වෙස් වළාගෙන මහියංගණ පබහින්න ප්‍රදේශයට ගොස් සැකකරුවන් දෙදෙනා එම අසිපතත් සමඟ අත්අඩංගුවට ගත් බව පොලිසිය කියයි. අත්අඩංගුවට ගත් සැකකරුවන් දෙදෙනා සන්තකයේ තිබූ ජංගම දුරකතන පරීක්ෂා කිරීමේ දී ඔවුන්, එම ස්ථානයට තාවකාලිකව විදුලිය ලබාගෙන විදුලි යාන්ත්‍රික උපකරණ යොදාගෙන විශාල ගලක් දිවා රාත්‍රී දෙකේම කඩන අයුරු දැක්වෙන දර්ශන අඩංගු වී තිබූ බව පොලිසිය පවසයි.
එම අසිපත සම්බන්ධයෙන් පුරාවිද්‍යා දෙපාර්තමේන්තුවේ කැඳවීමටද වාර්තාවක් නියමිතය. අත්අඩංගුවට ගත් සැකකරුවන් දෙදෙනා 23 වන වියේ පසුවන අතර බණ්ඩාරවෙල පදිංචිකරුවන්ය.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…