සෞඛ්‍ය අමාත්‍යාංශයට සැපයීම සඳහා උත්සාහ කරන වෛද්‍ය සැපයුම්කරුවෙකුගේ ආරාධනයකට අනුව ඉන්දියාවේ සංචාරයක නියැළුණු සෞඛ්‍ය අමාත්‍ය කෙහෙළිය රඹුක්වැල්ල ආපසු පැමිණි විගසම ජනාධිපති රනිල් වික්‍රමසිංහ මුදල් අමාත්‍යවරයා වශයෙන් ඖෂධ ආනයනයේදී අනුගමනය කළ යුතු බවට නියම කරන ලද උපදෙස් නොසලකා හැර දේශීය ව ලියාපදිංචිය පවා නොමැති ඉන්දීය සමාගම් දෙකකට ඉන්දියානු ණය සහනය යටතේ ඖෂධ සැපයීමට අවසථාව සලසා දීමට උත්සාහ දරා ඇතැයි “ද සන්ඩේ ටයිම්ස්“ පුවත් පත වාර්තා කරයි.
අමාත්‍යවරයා විසින් ඔහුට තෙදින ඉන්දීය සංචාරයක් සඳහා ආරාධනය කළ සමාගම ඇතුළු සමාගම් දෙකට ජනාධිපතිවරයාගේ උපදෙස් නොතකමින් ජාතික ඖෂධ නියාමන අධිකාරියේ ලියාපදිංචි නොකළ ඖෂධ වර්ග ලයිස්තුවක් මෙරටට ගෙන්වීම සඳහා අවසරය ලබා දෙන ලෙස ඖෂධ අධිකාරියට ඉල්ලීමක් කර ඇතැයි මෙම පුවත් පත තවදුරටත් අනාවරණය කරයි.
සෞඛ්‍ය අමාත්‍ය කෙහෙළිය රඹුක්වැල්ල මීට පෙර අමාත්‍ය මණ්ඩලය වෙත ඉදිරිපත් කරන ලද යෝජනාවකින් ඉල්ලා තිබුණේ ඖෂධ නියාමන අධිකාරියේ ලියාපදිංචි නොකළ ඖෂධ සැපයුම්කරුවන්ට තරඟකාරී ටෙන්ඩර ක්‍රියාවලිය මඟ හරිමින් මෙරට තෝරාගත් සැපයුම්කරුවන් වෙතින් ඖෂධ මිලදී ගැනීමට සෞඛ්‍ය අමාත්‍යවරයාට සහ අමාත්‍යංශ නිලධාරීන්ට ඉඩකඩ සැලසෙන බව මෙම වාර්තාව මඟින් පෙන්වා දෙයි.
කෙසේ වෙතත්, මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යවරයා ලෙස ජනාධිපති රනිල් වික්‍රමසිංහ සෞඛ්‍ය අමාත්‍යවරයාගේ යෝජනාව පිළිබඳ සිය නිරීක්ෂණවලදී උපදෙස් ලබා දුන්නේ යෝජිත සැපයුම්කරු අයාචිත පදනමක් මත තෝරා ගන්නා බැවින් වෛද්‍ය සැපයුම්වල මිල සහ ගුණාත්මකභාවය “වෙළඳපොල මිල ගණන්වලට සහ ඖෂධවල ගුණාත්මක භාවයට සමගාමීව යථාර්ථවාදී සහ සාධාරණ මිලක් ලබා ගැනීම සඳහා” කැබිනට් මණ්ඩලය විසින් පත් කරන ලද කමිටුව (CANC) හෝ සෞඛ්‍ය අංශයේ හදිසි ප්‍රසම්පාදන කමිටුව (HSEPC) විසින් සමාලෝචනය කර සාකච්ඡා කළ යුතුය“ යනුවෙනි.
වෛද්‍ය සැපයුම් කොන්ත්‍රාත්තු සඳහා තරඟකාරී ලංසු තැබීමේ මාර්ගයට සහාය වූ නිර්දේශවලට අමාත්‍ය මණ්ඩල කැබිනට් අනුමැතිය ලබා දෙන ලදී.
අනෙකුත් සැපයුම්කරුවන් ඇතුළත් කිරීමට විෂය පථය පුළුල් කිරීමට කැබිනට් මණ්ඩලය ඉඩ දුන්නේ නැත.
එවැනි තත්ත්වයක් තිබියදී සහ අදාළ ඖෂධ වර්ග සැපයිය හැකි ලියාපදිංචි ඖෂධ සහ ඖෂධ සැපයුම්කරුවන් සිටියදී ඔහුට ඉන්දියාවට ආරාධනය කළ සමාගම ඇතුලු සමාගම් දෙකකට මෙලෙස මෙරට ලියාපදිංචි නොකළ ඖෂධ සැපයීමට අමාත්‍යවරයා උත්සාහ ගන්නේ පවතින අර්බුදකාරී අවස්ථාවෙන් විශේෂ ප්‍රතිලාභයක් යම් යම් පාර්ශ්වවලට හිමි වන නිසාද යන්න පිළිබඳව මේ වනවිට සෞඛ්‍ය ක්ෂේත්‍රය තුළ පුළුල් කතා බහක් නිර්මාණය වී තිබේ.
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…
ඇල්පිටිය පොලිස් වසමේ ඇල්පිටිය අම්බලන්ගොඩ මාර්ගයේ කුරුඳුගහ හැතැප්ම හන්දියේ අද (15) අලුයම සිදුවූ රිය අනතුරකින්…
රැඳවුම් නියෝග මත අපරාධ පරීක්ෂණ දෙපාර්තමේන්තුව භාරයේ සිටින සිවනේශතුරෙයි චන්ද්‍රකාන්තන් හෙවත් පිල්ලෙයාන් සමග සාකච්ඡා කිරීමට…
අමෙරිකාවේ සැන් ඩියාගෝ කලාපයට රික්ටර් මාපකයේ ඒකක 5.2ක ප්‍රබලත්වයෙන් යුතු භූකම්පනයක් බලපා තිබෙනවා. අමෙරිකානු බලධාරීන්…
මගී ජනතාවගේ අවශ්‍යතාවය අනුව අද (15) දිනයේ සිට බස් රථ ධාවනයට එක්කිරීමට කටයුතු කරන බව…