අදර්ශා – බුද්ධිකගේ හඬපටයේ ඇත්ත !

ආශු මාරසිංහ සුනඛයකුට ලිංගික අතවර කළැයි හිරුණිකා සමග මාධ්‍යයට හෙළි කළ ආදර්ශා කරදන බුද්ධික පතිරණ මන්ත්‍රිවරයා සමග කළැයි කියන ශුංගාරාත්මක සංවාදයක හඬපටයක් මේ වන විට සමාජමාධ්‍ය තුළ වේගයෙන් සංසරණය වේ.

‘‘බුද්ධික පතිරණ සමග ආදර්ශා සැමරූ නත්තල් පාටිය’’ යන සිරස්තලයෙන් යුතුව හුවමාරුවන මෙම හඬපටය සම්බන්ධයෙන් අදහස් දක්වන බුද්ධික පතිරණ පවසන්නේ මෙම හඬ පටය 2019 වර්ශයේ සිට වරින්වර කරළියට එන බවයි.

2018 වර්ෂයේදී බුද්ධික කර්මාන්ත හා වෙළෙඳ අමාත්‍යවරයාව සිටි අවධියේදී ආදර්ශා සේවය කළ විශ්වාසනීය හඬක් පදනම (Trusted Voice Fundation) සමග බුද්ධිකගේ සමාධි පදනම එක්ව ක්‍රියාත්මක කිරීමට යෝජිත වැඩපිළිවෙළක් සම්බන්ධයෙන් අවබෝධතා ගිවිසුමක් සකස් කිරීමට ආදර්ශලා 2018.12.25 වැනි දින මාතරට ගොස් ඇත. මෙම දුරකථන සංවාදය සිදුවී ඇත්තේ එහිදීය. බුද්ධික පවසන්නේ මෙහිදී ඔහු ආදර්ශලාගේ කෑම බීමවලට සමාධි පදනමෙන් ගෙවීම් කරන නමුත් මත්පැන් සඳහා ගෙවීම් නොකරන බව පැවසූ බවයි.

කෙසේ වෙතත් අවසානයේදී ආදර්ශලාගේ ප්‍රතිපත්ති සමග ඇති වූ නොගැළපීමක් නිසා සමාධි පදනම අදර්ශලා සමග එකඟතා ගිවිසුම අත්සන් නොකළ බවත් ඉන් පසු මෙම හඬපටය අන්තර්ජලයට මුදා හැර ඇති බවත් බුද්ධික කියයි.

‘‘ඊට පස්සේ 2019 ජනාධිපතිවරණය අවධියේ ඕක තුන්පාරක් විතර උඩට ආවා. ඒ වගේම 2020 මහා මැතිවරණයේදීත් ඒ කියන්නේ මගේ ඡන්දෙට මාසෙකට විතර කලින් ඕක අයිත් පාරක් උඩට ආවා. ඔය විදිහට දැන් 6 පාරක් විතර ඕක වරින් වර උඩට එනවා යටට යනවා. ඒ දවස්වල අපිට මඩ ගහන්න ඕක පාවිච්චි කරපු අය දැන් ආදර්ශාට මඩ ගහන්න හිතලා ඕක පාවිච්චි කරන බවක් තමයි දැන් පේන්න තියෙන්නේ. කොහොම නමුත් කියන්න ඕන ඔය හඬපටය නිසා පසුගිය මහා මැතිවරණයේදී මත්ද්‍රව්‍ය නිවාරණ සංවිධානවලින් මට විශාල සහයෝගයක් ලැබුණා. ඒ අය මට පොස්ටර්, ලීෆ්ලට් වගේ දේවල් නොමිලේ මුද්‍රණය කරලා දෙන්න පවා මේ හඬපටය හේතුවක් වෙලා තිබුණා.’’ බුද්ධික පතිරණ තරුණ මන්ත්‍රිවරයා හඬපටයෙන් ලැබුණු වාසි ගැන මතක් කළේ ඒ දේ කළ සියලු දෙනාට ස්තූති පූර්වක වෙමිනි.