ආශු මාරසිංහගේ බලු වැඩේ හෙළි කල ආදර්ශා අත්අඩංගුවට ගැනීමේ සුදානමක් ?

අපරාධ පරීක්ෂණ දෙපාර්තමේන්තුව විසින් තමාව අත්අඩංගුවට ගැනීමට සූදානම්වන බවත්, එබැවින් අපේක්ෂිත ඇපයක් මත තමන් මුදා හරින ලෙසත් ඉල්ලා ආශු මාරසිංහගේ බලු හැසිරීම සම්බන්ධව ආන්දෝලනාත්මක ප්‍රකාශයක් කළ ආදර්ශා කරඳන සිය නීතිඥයින් මාර්ගයෙන් කොළඹ මහේස්ත්‍රාත් අධිකරණය වෙත පෙත්සමක් ඉදිරිපත්කර ඉල්ලා තිබේ.

අද (03) එම පෙත්සම සලකාබැලූ කොළඹ ප්‍රධාන මහෙස්ත්‍රාත් ප්‍රසන්න ද අල්විස් එහි වගඋත්තරකරුවන් වශයෙන් නම් කර සිටි අපරාධ පරීක්ෂණ දෙපාර්තමේන්තුවේ අධ්‍යක්ෂවරයා සහ පරිගණක අපරාධ විමර්ශන අංශයේ ස්ථානාධිපතිවරයාට ජනවාරි මස 10 වනදා කරුණු දක්වන ලෙස දන්වා නොතීසි නිකුත් කළේය.

පෙත්සම්කාර ආදර්ශා කරඳන කියා සිටින්නේ ආශු මාරසිංහ සුනඛයෙකු සමග අස්වාභාවික ක්‍රියාවක යෙදෙන වීඩියෝවක් ප්‍රකාශයට පත්වීමෙන් පසුව එය ව්‍යාජ ලෙස සකස් කළ වීඩියෝවක් බව සඳහන් කරමින් ඔහු විසින් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර ඇති බවය.

ආදර්ශා කරඳන පෙත්සම මගින් දක්වා ඇත්තේ එම පැමිණිල්ලට අදාළව තමාව අත්අඩංගුවට ගැනීමට අපරාධ පරීක්ෂණ දෙපාර්තමේන්තුව සූදානම් වන බවය.