ජ්‍යෙෂ්ඨ නියෝජ්‍ය පොලිස්පති තනතුරට අලුත් මුහුණක් !

පොලිස්පතිවරයාට පසුව ශ්‍රී ලංකා පොලිසියේ සිටින ජ්‍යෙෂ්ඨතම නිලධාරියා වූ ජ්‍යෙෂ්ඨ නියෝජ්‍ය නිලන්ත ජයවර්ධන ජාතික පොලිස් කොමිසමේ ආවරණ අනුමැතියට යටත්ව පොලිස්පති සහායක සේවා ( ජ්‍යෙෂ්ඨ නියෝජ්‍ය පොලිස්පති ) තනතුරේ සිට පොලිස්පතිවරයාට පමණක් දෙවැනිවන තනතුර වූ ජ්‍යෙෂ්ඨ නියෝජ්‍ය පොලිස්පති පරිපාලන තනතුරට පත් කළ නිවේදනය පොලිස් මූලස්ථානය විසින් නිකුත් කර තිබේ.
ජ්‍යෙෂ්ඨ නියෝජ්‍ය පොලිස්පතිවරුන් 06ක්, වැඩ බලන ජ්‍යෙෂ්ඨ නියෝජ්‍ය පොලිස්පතිවරයෙක් නියෝජ්‍ය පොලිස්පතිවරු දෙදෙනෙක් වැඩ බලන නියෝජ්‍ය පොලිස්පතිවරු තුන් දෙනෙක් මෙසේ පොලිස්පති නියමයෙන් ස්ථාන මාරු කර තිබේ.

ජ්‍යෙෂ්ඨ පොලිස් අධිකාරීවරු 06් නියෝජ්‍ය පොලිස්පති තනතුරේ රාජකාරි ඉටු කිරීම සඳහා ද, ජ්‍යෙෂ්ඨ පොලිස් අධිකාරීවරුන් 17ක් සහ වැඩ බලන ජ්‍යෙෂ්ඨ පොලිස් අධිකාරීවරුන් 06ක් සඳහා ස්ථාන මාරුවීම් ද, පොලිස් අධිකාරීවරුන් 13 දෙනෙක් ජ්‍යෙෂ්ඨ පොලිස් අධිකාරි තනතුරේ රාජකාරි ඉටුකිරීම සඳහා ද, පොලිස් අධිකාරීවරුන් 08 ක් සඳහා ස්ථාන මාරුවීම් ද, සහකාර පොලිස් අධිකාරීවරුන් 19ක් සහා කාන්තා සහකාර පොලිස් අධිකාරීවරියන් 02ක් සඳහා ස්ථාන මාරුවීම් නියෝග ද නිකුත් කර ඇතැයි පලෙිස් මූලස්ථානය පවසයි.