පාස්කු ප්‍රහාරය සම්බන්ධයෙන් හිටපු ජනාධිපති මෛත්‍රීපාල සිරිසේන වගකිව යුතු බව හිටපු ජනාධිපතිනි චන්ද්‍රිකා කුමාරණතුංග පවසනවා.
ඇය මේ බව කියා සිටියේ ගාලු මුවදොර බණ්ඩාරනායක පිළිරුව අභියසදී අද පෙරවරුවේ පැවති දිවංගත අග්‍රාමාත්‍ය එස්.ඩබ්ලිව්. ආර්. ඩී බණ්ඩාරනායකයන්ගේ 124 වන ජන්ම දින සැමරුමට එක්වෙමින්.
දිවංගත අග්‍රාමාත්‍යවරයාගේ ජන්ම සැමරුම නිමිත්තෙන් අද දිනයේ උත්සව දෙකක් සංවිධාන කර තිබුණා.
එක් උත්සවයක් ගාලු මුවදොර පිහිටි බණ්ඩාරනායක පිළිරුව අසළදී සිදුකෙරුණේ අග්‍රාමාත්‍ය දිනේෂ් ගුණවර්ධනගේ ප්‍රධානත්වයෙන්.
ඊට හිටපු ජනාධිපතිනි, චන්ද්‍රිකා බණ්ඩාරනායක කුමාරණතුංග සහ සුනේත්‍රා බණ්ඩාරනායකද සහභාගි වී සිටියා.
අනෙක් ගුණසමරුව ශ්‍රී ලංකා නිදහස් පක්ෂය සංවිධානය කර තිබුණේ පක්ෂ මූලස්ථානයේයි.
ඒ නිදහස් පක්ෂයේ සභාපති හිටපු ජනාධිපති මෛත්‍රීපාලි සිරිසේනගේ ප්‍රධානත්වයෙන්.
මේ අතර ගාලු මුවදොර බණ්ඩාරනායක පිළිරුව අසළ පැවති ජන්ම සැමරුමට නිදහස් පක්ෂයේ සිට අමාත්‍ය ධුර භාරගත් නිමල් සිරිපාල ද සිල්වා, මහින්ද අමරවීර, මෙන්ම රාජ්‍ය අමාත්‍යවරුන් වන ලසන්ත අලගියවන්න, ජගත් පුෂ්පකුමාර සහ ශ්‍රී ලංකා නිදහස් පක්ෂයේ ජාතික සංවිධායක පාර්ලිමේන්තු මන්ත්‍රී දුමින්ද දිසානායකද එක්ව සිටියා.
එමෙන්ම පාර්ලිමේන්තුවේ ස්වාධීන වූ පාර්ලිමේන්තු මන්ත්‍රීවරුන් වන මහාචාර්ය ජී.එල්. පීරිස්, චන්දිම වීරක්කොඩි සහ නව ලංකා නිදහස් පක්ෂයේ නායක පාර්ලිමේන්තු මන්ත්‍රී කුමාර වෙල්ගමද එම අවස්ථාවට සහභාගි වුණා.
බණ්ඩාරනායක පිළිරුවට පුෂ්පෝපහාර දක්වා ඉන් පිටව යන අවස්ථාවේදී මාධ්‍ය වෙත හිටපු ජනාධිපතිනි චන්ද්‍රිකා බණ්ඩාරනායක කුමාරණතුංග මෙලෙස අදහස් පළකලා.
නියම බණ්ඩාරනායක ප්‍රතිපත්ති ඇත්තේ ගාලුමුවදොර බණ්ඩාරනායක ගුණ සමරුවට එක්වූවන් ලඟ බවයි සැමරුමට එක්වූ නව ලංකා නිදහස් පක්ෂයේ නායක කුමාර වෙල්ගම කියා සිටියේ.
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…
ලංකා විදුලිබල මණ්ඩලයේ නව සභාපති ලෙස ඉංජිනේරු මහාචාර්ය කේ.ටී.එම්.යූ. හේමපාල පත්කර ඇති බව වාර්තා වේ.…
ශ්‍රී ලංකා ක්‍රිකට් ආයතනය සමග ගිවිසුම්වලට එළඹ සිටින ජාතික තලයේ ක්‍රිකට් ක්‍රීඩකයින් එම ආයතනයේ සේවකයින්…
අද (03) දහවල් පුද්ගලයෙකු විසින් පුලියන්කුලම පොලිස් බල ප්‍රදේශයේ පදිංචි ගුරුවරියකුගේ ගෙල කපා පුලියන්කුලම පොලිස්…