බාල වයස්කාර දැරියක දූෂණය කළේ යැයි චෝදනා කරමින් තමන්ට එරෙහිව පදනම් විරහිත නඩුවක් පැවරූ නීතිපතිවරයාගෙන් හා ද්වේෂ සහගතව ලැබුණු පැමිණිල්ලක් මත ඒ සම්බන්ධයෙන් විමර්ශනය කළ පොලිස් නිලධාරීන් දෙදෙනකුගෙන් රුපියල් මිලියන 1000 ක වන්දියක් අයකර දෙන ලෙස ඉල්ලා අකුරැස්ස ප්‍රාදේශීය සභාවේ හිටපු සභාපති සාරුව ලියනගේ සුනිල් කොළඹ දිසා අධිකරණය හමුවේ නඩු පවරනු ලැබීය.
එම නඩුවේ විත්තිකරුවන් ලෙස නීතිපතිවරයා සහ ප්‍රධාන පොලිස් පරීක්‍ෂිකා වරුණි බෝගහවත්ත, පොලිස් පරීක්‍ෂක ලක්ෂ්මන් බටුවිතානවත්ත නම් කර ඇත.
නීතිපතිවරයා විසින් මාතර මහාධිකරණය හමුවේ පවරා පසුව කොළඹ මහාධිකරණයට කැඳවූ නඩුව විභාග කළ කොළඹ මහාධිකරණය තමන්ව එකී චෝදනාවලට වරදකරු කර බරපතළ වැඩසහිත සිරදඬුවම් හා දඩ නියම කළත් තමන් ඉදිරිපත් කළඅභියාචනාව විභාග කළ අභියාචනාධිකරණය එම අධි චෝදනාවලින් පසුගිය ඔක්තෝබර් 11 වැනිදා තමන් නිදොස් කොට නිදහස් කළ බවත් පෙත්සම්කරු දිසා අධිකරණයට පවසා තිබේ.
එකී පොලිස් නිලධාරීන්ගේ හා නීතිපතිවරයාගේ වගකීම් විරහිත ක්‍රියාදාමය නිසා තමන්ට වසර ගණනාවක් නිකරුණේ රක්‍ෂිත බන්ධනාගාරයේ ගතකිරීමට සිදුවීම, සිය කීර්ති නාමයට හානි සිදුවීම, දේශපාලන කටයුතුවලට සිදුවූ හානියට මෙන්ම සිය ව්‍යාපාර කටයුතු සම්පූර්ණයෙන්ම පාහේ කඩාවැටීම සිදුවූ බැවින් එකී වන්දි මුදල අයකර දෙන ලෙස හෙතෙම ඉල්ලා ඇත.
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…