කොළඹ තුරඟ තරග පිටියේ දී කොළඹ විශ්වවිද්‍යාලයේ සිසුවියක ඇයගේ පෙම්වතා විසින් ඝාතනය කර ඇත්තේ, වෙනත් සබඳතාවක් මුල් කරගෙන බව මූලික පොලිස් පරීක්ෂණවල දී අනාවරණ වී තිබෙනවා.
මෙම සිසුවිය විසින් තවත් තරුණයෙකු සමඟ සබඳතාවක් පවත්වා ඇති අතර, ඒ අනුව ඝාතනය සිදු කළ සිසුවා සහ ඇය අතර මතභේදයක් හටගෙන තිබුණා.
පෙම්වතිය වෙන කෙනෙකුගේ වෙනවා දැකීමට ඇති අකැමැත්ත නිසා මෙය සිදු කළ බව සිසුවා ප්‍රකාශ කර ඇති බව ද මේ වන විට විමර්ශනවලින් හෙළි වී තිබෙනවා.
ඒ පිළිබඳ සාකච්ඡා කර ඔවුන් දෙදෙනා අතර ඇති ප්‍රේම සබඳතාව නැවැත්වීම සඳහා ඊයේ (17) දිනය යොදාගෙන ඒ වෙනුවෙන් ඔවුන් දෙදෙනා කොළඹ තුරග තරග පිටියට පැමිණ ඇති බවයි වාර්තා වුණේ.
කෙසේ වෙතත් එම අවස්ථාවේ දී සිසුවා විසින් සිසුවියගේ ගෙළ ප්‍රදේශයට තියුණු ආයුධයකින් පහර දීමෙන් ඇය එම ස්ථානයේ දී ම ජීවිතක්ෂයට පත්වුණා.
සැකකාර සිසුවා වැල්ලම්පිටිය පොලිසිය මගින් ඊයේ පස්වරුවේ අත්අඩංගුවට ගත්තා.
ඝාතනයට ලක්ව තිබුණේ 24 හැවිරිදි හෝමාගම – කිරිවත්තුඩුව – පුබුදු උයන ප්‍රදේශයේ පදිංචි කොළඹ විශ්වවිද්‍යාලයේ විද්‍යා පීඨයේ සංඛ්‍යාන විද්‍යා අධ්‍යයනාංශයේ තුන්වන වසරේ ඉගෙනුම ලබන සිසුවියක්.
ඇගේ පෙම්වතා වන සිසුවාද එම පීඨයේම තුන්වන වසරේ ඉගෙනුම ලබනවා.
සිද්ධියෙන් පසු මියගිය සිසුවියගේ පියාගේ මාර්ගයෙන් සැකකරු පදිංචි නිවස සොයාගෙන ඇති පොලිසිය ඔහුගේ නිවස පරීක්ෂා කිරීමේ දී ඝාතනය සඳහා යොදාගත් උල් පිහිය, ලේ තැවරුණු ටී ෂර්ටය සහ බෑගයක් සොයාගත්තා.
කෙසේ වෙතත් සැකකරු එම අවස්ථාවේ නිවසින් පලා ගොස් ඔහු පදිංචි නිවස පිහිටි වත්තේ සැඟව සිට තිබෙනවා.
ඒ, රාත්‍රී කාලයේ දී කැළණි ගඟට පැන සියදිවි හානිකරගැනීමේ අරමුණින්.
කෙසේ වෙතත් කඩිනමින් ක්‍රියාත්මක වූ පොලිසිය සැකකරු අත්අඩංගුවට ගත්තා.
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…