කඩු කල්ලියක් භීතිය පතුරවති !

මුලතිව් දිස්ත්‍රික්කයේ ප්‍රදේශ කිහිපයක ක්‍රියාත්මක නාදුනන කඩු කල්ලි හේතුවෙන් ජනතාවට බියෙන් ජීවත් වීමට සිදුව ඇතැයි ජනතාව පවසනවා.

මුලතිව්, පුදුකුඩිඉරිප්පු සහ විශ්වමඩු ප්‍රදේශයන්හි මේ වන විට තියුණු ආයුධ ගත් පිරිස් සැරිසැරීම සහ එම කල්ලි සාමාජිකයින්ගේ පහරදීම් හේතුවෙන් ජනතාවට ගමනාගමනයේදී පවා බියෙන් සැකෙන් යාමට සිදුව ඇතැයිද ජනතාව පෙන්වා දෙනවා.

මේ බව පවසමින් මුලතිව් විශ්වමඩු ප්‍රදේශයේ ජනතාව විසින් විශ්වමඩු මංසන්ධියේදී විරෝධතාවක නිරත වෙමින් පවසා සිටියේ ආරක්ෂක අංශ විසින් වහාම මෙම කඩුකල්ලි මර්ධනය කොට ඔවුන් අත්අඩංගුවට ගැනීමට පියවර ගත යුතු බවයි.

යාපනයේද මේ වන විට කඩු කල්ලි බොහෝ කලක් පුරා ක්‍රියාත්මක වන බැවින් එලෙස මුලතිව් දිස්ත්‍රික්කයේද ක්‍රියාත්මක වුවහොත් ජනතාව දැඩි අවධානමකට ලක්වන බැවින් වහාම පොලීසිය ඇතුලු ආරක්ෂක අංශ ක්‍රියාත්මක වී මෙම කඩුකල්ලි අත්අඩංගුවට ගැනීමට පියවර ගත යුතු බවටද විරෝධතාවයේ නිරත වූවන් වැඩිදුරටත් පැවසූවා.