මැතිවරණ කොමිසම ඇතුළු ස්වාධීන කොමිෂන් සභා කිහිපයක් සඳහා නව සාමාජිකයින් පත්කිරීමට නියමිතව තිබේ.
21 වන ආණ්ඩුක්‍රම ව්‍යවස්ථා සංශෝධනයට අනුව ස්ථාපිත කළ ආණ්ඩුක්‍රම ව්‍යවස්ථාදායක සභාව මගින් එම පත්කිරීම් සිදුකිරීමට නියමිතය.
කථානායක මහින්ද යාපා අබේවර්ධන මහතාගේ ප්‍රධානත්වයෙන් ආණ්ඩුක්‍රම ව්‍යවස්ථාදායක සභාව හෙට (25) පෙරවරු 09.30ට රැස්වන බව පාර්ලිමේන්තුවේ නියෝජ්‍ය මහ ලේකම් කුෂාණි රෝහණධීර මහත්මිය සඳහන් කළාය.
අග්‍රාමාත්‍යවරයා, කථානායකවරයා, විපක්ෂ නායකවරයා ඇතුළු 10 දෙනෙකුගෙන් සමන්විත ව්‍යවස්ථාදායක සභාව සඳහා මේවන විට සාමාජිකයින් 09 දෙනෙකු පත්කර අවසන් වී තිබේ.
ප්‍රධාන විපක්ෂය නොවන සෙසු විපක්ෂයේ පක්ෂවල නියෝජිතයා පත්කිරීම සම්බන්ධයෙන් හෙට රැස්වන ව්‍යවස්ථාදායක සභාවේදී අවධානයට යොමු කිරීමට නියමිතය.
ආණ්ඩුක්‍රම ව්‍යවස්ථාදායක සභාව විසින් කොමිෂන් සභා කිහිපයක් සඳහා සභාපතිවරුන් ඇතුළු සාමාජිකයින් පත්කිරීමට අදාළ ජනාධිපතිවරයාගේ නිර්දේශ අනුමත කළ යුතු වේ.
ඒ අනුව මැතිවරණ, සීමා නිර්ණ, රාජ්‍ය සේවා, පොලිස්, විගණන සේවා, මුදල්, ප්‍රසම්පාදන, මානව හිමිකම්, අල්ලස් හෝ දූෂණ චෝදනා කොමිෂන් සභා සඳහා නව සාමාජිකයින් පත්කෙරෙනු ඇති බව වාර්තා වේ.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…