පශ්චාත් උපාධි අධ්‍යයන කටයුතු සහ පුහුණුවීම් සඳහා විදෙස්ගත වන විශ්වවිද්‍යාල ආචාර්යවරුන්ට ගුවන් ටිකට් පත් ඇතුළු අනෙකුත් පහසුකම් සඳහා මුදල් ලබා දීම මුදල් අමාත්‍යාංශය විසින් නතර කරනු ලැබ ඇත.
මේ බව මුදල් අමාත්‍යාංශය විශ්වවිද්‍යාල ප්‍රතිපාදන කොමිෂන් සභාවට ලිඛිතව දැනුම් දී තිබේ.
පවතින අර්බුදකාරී වාතාවරණය මත සියලු රාජ්‍ය ආයතන සම්බන්ධයෙන් අනුගමනය කරන ක්‍රියාමාර්ග විශ්වවිද්‍යාල ඇතුළු උසස් අධ්‍යාපන ආයතනවලටත් අදාළ වන බව ද එම ලිපියේ සඳහන් වෙයි.
වසර හත අඛණ්ඩව සේවය කරන ආචාර්යවරුන් සඳහා සිය පශ්චාත් උපාධි අධ්‍යයන කටයුතු හෝ පුහුණු කටයුතු වෙනුවෙන් වසරක නිවාඩුවක් හිමි වන අතර එලෙස නිවාඩු ලබා විදෙස්ගත වන ආචාර්යවරුන්ට ගුවන් ටිකට් පත ඇතුළු පහසුකම් ලබා දෙන බව ඔවුන්ගේ පත්වීම් ලිපියේ ද සඳහන් කර ඇත.
එසේ තිබිය දී එම පහසුකම් ලබා නොදීම මානව හිමිකම් උල්ලංඝනය කිරීමක් යැයි ද ආචාර්යවරුන්ට සප්ත වාර්ෂික නිවාඩු පහසුකම හිමිවන්නේ වැඩ කළ කාලසීමාවකට හෙයින් එම කාලසීමාවකට අදාළ අයිතීන් කපා හැරීමට කිසිදු හැකියාවක් නැතැයි ද මේ සම්බන්ධයෙන් අප කළ විමසුමකට පිළිතුරු දුන් නීති පීඨ ආචාර්යවරයෙක් කීවේය.
මුදල් අමාත්‍යාංශය මෙම තීරණය ගැනීමට පෙර විශ්වවිද්‍යාල ප්‍රතිපාදන කොමිෂන් සභාව සමග සාකච්ඡා කළේ නම් සාධනීය තැනකට ඒමට තිබූ බව විශ්වවිද්‍යාල ප්‍රතිපාදන කොමිෂන් සභාවේ සභාපති මහාචාර්ය සම්පත් අමරතුංග සඳහන් කළේය.
විශ්වවිද්‍යාලවලට සලාක ක්‍රමයක් ඇති කිරීම, විදෙස් ගත වන ආචාර්යවරුන්ගේ පොරොත්තු ලේඛනයක් සකස් කර ඒ අනුව මූල්‍ය පහසුකම් ලබා දීම, විශ්වවිද්‍යාල මගින් මේ වන විට උපයන ආදායම්වලින් මෙම මූල්‍ය පහසුකම් ලබා දී පසුව පියවා ගැනීම වැනි ක්‍රියාමාර්ග සම්බන්ධයෙන් සාකච්ඡා කර තීරණ ගැනීමට හොඳට ම ඉඩ තිබූ බවත් සභාපතිවරයා කීවේය.
මෙම නව තීරණය හේතුවෙන් විශ්වවිද්‍යාල ‘කාන්තාර‘ බවට පත් වීම නොවැළැක්වනු හැකි බවත් මහාචාර්යවරයා ප්‍රකාශ කළේය.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…