ඉකුත් සඳුදා (06) තුර්කියේ සහ සිරියාවේ ඇති වූ භූමිකම්පාවලින් මිය ගිය ගණන මේ වන විට 23,700 ඉක්මවා ඇති බව විදෙස් මාධ්‍ය වාර්තා කරනවා.
මේ අතර තවමත් සුන්බුන් තුළ සිර වූ පිරිස් ගලවා ගැනීම් මෙහෙයුම් ක්‍රියාත්මක වන අතර ඊයේ (10) දිනයේ දී සුන්බුන් අතර සිරවී සිටි දින 10 ක් වයසැති බිළිඳෙකු සහ ඔහුගේ මව බේරා ගැනීමට සමත් වී තිබෙනවා.
ගලවා ගැනීම් මෙහෙයුම් ක්‍රියාත්මක වන අතරේ, ඒ සඳහා බලධාරීන් වඩා වේගවත්ව ප්‍රතිචාර දැක්විය යුතුව තිබූ බව තුර්කියේ ජනාධිපති තායිප් එඩුවාන් ප්‍රකාශ කරනවා.
කෙසේ නමුත් පවත්නා දැඩි ශීත තත්ත්වය හේතුවෙන් පීඩාවට පත් වූ ජනතාව නිවාස අහිමි වීම සහ ආහාර හිඟයට මුහුණ දීම වැනි ප්‍රශ්නවලින් දැඩි ලෙස පීඩා විඳින බවයි විදෙස් මාධ්‍ය වාර්තා පවසන්නේ.
මේ අතර සිරියාවේ ජනාධිපති බෂාර් අල් අසාද් භූමි කම්පාවෙන් පසු විපතට පත් ප්‍රදේශවලට සිය පළමු සංචාරය ඊයේ සිදු කළ අතර, ඔහුගේ බිරිඳ අස්මා සමඟ ඇලෙප්පෝ හි රෝහලකට ගිය බව ද සිරියානු රාජ්‍ය මාධ්‍ය වාර්තා කළා.
ආපදාව හේතුවෙන් පීඩාවට පත්ව සිටින සිරියානු ජනතාව වෙත මානුෂීය ආධාර බෙදා හැරීම සඳහා 12 වසරක සිවිල් යුද්ධයේ යෙදී සිටින මානුෂීය හමුදා හරහා සිදු කළ යුතු බවයි බෂාර් අල් අසාද් රජය අනුමත කරන්නේ.
මේ අතර ලෝක ආහාර වැඩසටහන ප්‍රකාශ කළේ කැරලිකරුවන්ගේ ග්‍රහණයේ පවතින වයඹදිග සිරියාවේ යුද තත්ත්වය සහන ප්‍රයත්න සංකීර්ණ කරන බවයි.
පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…