පසුගිය 02 දා ඉන්දුනීසියාවේ සුඛෝපභෝගී මහල් නිවාසයක් තුළ අභිරහස් ලෙස ඝාතනය වූ OPEX Holdings කළමණාකාර අධ්‍යක්ෂ, කෝටිපති ව්‍යාපාරික ඔනේෂ් සුබසිංහ ගේ ඝාතනය ලංකාවේ දී සැලසුම් වි ඇති බවට පෙනී යන බැවින් පොලිස්පති ඩී.සී. වික්‍රමරත්නගේ උපදෙස් අනුව විශේෂ විමර්ශනයක් ආරම්භ කර ඇතැයි පොලිස් දෙපාතමේන්තුව පවසයි.
අපරාධ විමර්ශකයින් පවසන්නේ දැනට ඉන්දුනීසියාවෙන් ලැබෙන තොරතුරු පෙළ ගැසෙන විට මෙම ඝාතනය සිදුකර ඇත්තේ ඔනේෂ් සුබසිංහගේ බිරියවන බ්‍රසිල ජාතික රෝසා ද සිල්වා සමග සිටි ඇයගේ සහායිකාව විසින් යැයි අනාවරණය වන බවය.
මෙම ඝාතනය සම්බන්ධව කෙරෙන විමර්ශනයට ජාත්‍යාන්තර පොලිසියේ සහාය ලබා ගැනීම සඳහා අපරාධ පරීක්ෂණ දෙපාර්තමේන්තුවේ අවධානය යොමු වී තිබේ.
මේ විමර්ශනයේ දී අනාවරණයවන කරුණු මත අවශ්‍යතාවයක් ඇති වුවහොත් අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායමක් ඉන්දුනීසියාව වෙත යනු ඇතැයි ද පොලිස් මූලස්ථානය පවසයි.
පසුගිය 02 සිදුවූ මෙම ඝාතනයෙන් පසු ඔනේෂ් සුබසිංහගේ බ්‍රසීල ජාතික බිරිය වූ රෝසා ද සිල්වා ඔවුන්ගේ සිවු හැවිරිදි දියණිය ද රැගෙන සහායිකාව සමග කටාර් රාජ්‍යය බලා පලා ගොස් ඇති බව ජාකර්තා පොලිසිය කළ විමර්ශනයේ දී ආනාවරණය වී ඇත.
පසුගිය ජනවාරි 20 දා නිවාඩුවක් ගතකිරීමට ඔනේෂ් සිය බිරියත් බිරියගේ සහායිකාවත් සමග ඉන්දුනිසියාවට ගොස් තිබේ.
ලොව වඩාත් ජනප්‍රියම සහ තරගකාරී ලීග් ක්‍රිකට් තරග මාලාව වන, ඉන්දියන් ප්‍රීමියර් ලීග් 2025 තරගාවලිය…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…