කංසා මිශ්‍ර චොක්ලට් නිෂ්පාදනය කර නිකුත් කළ සමාගමට එරෙහිව නීතිමය ක්‍රියාමාර්ග ගන්නා බව ආයුර්වේද දෙපාර්තමේන්තුව පවසනවා.
කංසා මිශ්‍ර කළ චොකලට් වැලන්ටයින් දින වෙළඳපොළ සඳහා නිර්මාණය කර ඇති අතර එය සමාජ මාධ්‍ය ප්‍රචාරණ රැසක මාතෘකාවක් වූ බවයි මාධ්‍ය වෙත අදහස් දක්වමින් ආයුර්වේද දෙපාර්තමේන්තුවේ වෛද්‍ය පී තරංග මහතා ප්‍රකාශ කළේ.
ආයුර්වේද දෙපාර්තමේන්තුවේ නම අවභාවිත කරමින් මෙම චොක්ලට් නිෂ්පාදනය කර ඇති බවත්, ආදරවන්තයින්ගේ දිනය සමරන තරුණ තරුණියන් ඉලක්ක කර ගනිමින් ප්‍රවර්ධනය කිරීම් කිහිපයක්ද පවත්වා ඇති බවත් ඔහු සඳහන් කළා.
මෙම සමාජ මාධ්‍ය වෙබ් අඩවි හරහා ආයුර්වේද නාමයක් භාවිත කරමින් ආයුර්වේද නොවන ඖෂධයක් ප්‍රචාරය කිරීම නීති විරෝධී සහ සදාචාර විරෝධී ක්‍රියාවක් බවයි වෛද්‍යවරයා පැවසුවේ.
විශේෂයෙන් ආයුර්වේදයේ නම සඳහන් කිරීමේදී කංසා අඩංගු ආහාර ද්‍රව්‍යයක් නිෂ්පාදනය කර ප්‍රවර්ධනය කිරීමට පෙර සුදුසු බලධාරීන්ගේ අවසරය ලබාගත යුතු බවද ඔහු ප්‍රකාශ කළා.
එමෙන්ම අලුතින් නිෂ්පාදනය කරන ඖෂධ හෝ ආහාර ආයුර්වේද දෙපාර්තමේන්තුවෙන් අනුමත කර ඇති අවස්ථාවක වුවද එය ‘සූත්‍ර කමිටුවට’ ඉදිරිපත් කර නැවත අනුමැතිය ලබා ගත යුතු අතර ප්‍රචාරණය සඳහා තවත් අවසරයක් ලබාගත යුතු බවයි ඔහු වැඩිදුරටත් පැවසුවේ.
https://youtu.be/Z2p3pna-qjc?si=VM7eM_kLOXRmPoHz
යුක්‍රේන ජනාධිපති වොලොඩිමියර් සෙලෙන්ස්කි විසින් එරට අග්‍රාමාත්‍ය ධුරයේ වෙනසක් සිදුකර ඇතැයි විදෙස් මාධ්‍ය වාර්තා කරයි.…
අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා හිටපු අමාත්‍ය…
හඳුනානොගත් නීතිවිරෝධී පිරමීඩ යෝජනා ක්‍රම 50කට අධික සංඛ්‍යාවක් මෙරට තුළ ක්‍රියාත්මක වන බව ශ්‍රී ලංකා…
ඇමෙරිකාව විසින් යෝජනා කරනු ලැබූ තීරු බදු අඩුකර ගැනීම සඳහා අඛණ්ඩ සාකච්ඡා පැවැත්වීමට තීරණය කර…
දෙහිවල දුම්රිය ස්ථානය අසලදී පුද්ගලයෙකු ඉලක්ක කර වෙඩිතැබීමක් සිදුකර ඇති බව වාර්තා වේ. මීට සුළු…