බොරැල්ල, වනාතමුල්ල හල්ගහවත්ත ප්‍රදේශයේ මහල් නිවාස සංකීර්ණයක ආරක්ෂක අංශ ඊයේ (13) රාත්‍රීයේ සිදුකළ මත්ද්‍රව්‍ය වැටලීමක් අතරතුර සිදුවූ වෙඩිවැදීමකින් කාන්තාවක් මියයෑමේ සිද්ධිය සම්බන්ධ සම්පූර්ණ CCTV වීඩියෝව මාධ්‍යට නිකුත්කර තිබේ.
යුධ හමුදා බුද්ධි අංශ නිලධාරීන්ට ලද බුද්ධි තොරතුරක් මත මෙම වැටලීම සිදුකර ඇති අතර එහිදී ඇති වූ පොරබැදීමකදී හමුදා බුද්ධි අංශ සාමාජිකයෙකුගේ ගිනිඅවියක් එක්වර ක්‍රියාත්මකවීමෙන් මෙම වෙඩිවැදීම සිදුව තිබුණි.
බොරැල්ල, පොලිස් වසමේ බේස්ලයින් මාවත හල්ගහකුඹුර ප්‍රදේශයේ මහල් නිවාස සංකීර්ණයේ සිදුවන මත්ද්‍රව්‍ය ජාවාරමක් සම්බන්ධයෙන් ලද බුද්ධි තොරතුරක් මත යුධ හමුදා බුද්ධි අංශ නිලධාරීන් ඊයේ පස්වරුවේ මෙහෙයුමක් දියත් කළේය.
පොලිසිය සඳහන් කළේ එම ස්ථානයේදී සැකකරුවෙකුව අත්අඩංගුවට ගත් බවත් එහිදී සිදුවූ පොරබැදීමක් අතරතුර යුධ හමුදා බුද්ධි අංශ සාමාජිකයෙකුගේ ගිනි අවියක් එකවරම ක්‍රියාත්මක වී ඇති බවය.
එම යුද හමුදා බුද්ධි අංශ සාමාජිකයා සිය ගිනි අවිය සාක්කුවෙන් පිටතට ගෙන සැකකරු සමග පොරබදන අතරතුර ගිනි අවිය ක්‍රියාත්මක වන ආකාරය අසල තිබු CCTV කැමරාවක සටහන්ව තිබුණි.
එලෙස ගිනි අවිය ක්‍රියාත්මක වීමත් සමඟ ඒ අසල සිටි කාන්තාවකට වෙඩිවැදී බිම ඇද වැටුණි.
වෙඩි වැදුණු කාන්තාව රෝහල් ගතකිරීමෙන් අනතුරුව මියගොස් ඇති බව වාර්තා විය. මෙලෙස මිය ගියේ බොරැල්ල, හල්ගහකුඹුර ප්‍රදේශයේ පදිංචි 25 හැවිරිදි දෙදරු මවකි.
අදාළ සිදුවීම සම්බන්ධයෙන් යුද හමුදා බුද්ධි අංශ සාමාජිකයන් දෙදෙනෙකු බොරැල්ල පොලිසිය මගින් අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා සඳහන් කළේය.
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…