ඉදිරි පළාත් පාලන මැතිවරණය සඳහා කොළඹ නගර සභාවට තරග වදින ස්වාධීන කණ්ඩායම් අපේක්ෂකයකු ට බීමත්ව සිටි ග්‍රෑන්ඩ්පාස් පොලිසියේ අපරාධ අංශයේ ස්ථානාධිපතිවරයා ඇතුළු පොලිස් නිලධාරීන් පිරිසක් විසින් සිදු කළ දරුණු පහරදීමක් සම්බන්ධයෙන් පොලිස් මූලස්ථානය විමර්ශනයක් ආරම්භ කර ඇත.
මෙසේ පහර කෑමට ලක්ව ඇත්තේ ග්‍රෑන්ඩ්පාස් ප්‍රදේශයේ ව්‍යාපාරයක් පවත්වාගෙන කෝට්ටේ පදිංචි ධනක තුෂාන්ත නම් අයෙකි. ඔහු මේ වනවිට බරපතල තුවාල සහිතව අසාධ්‍ය තත්ත්වයෙන් කොළඹ ජාතික රෝහලේ ප්‍රතිකාර ලබයි.
පහර කෑමට ලක්ව ඇති පුද්ගලයා තවත් පිටස්තර පුද්ගලයකු සමඟ ඇති කර ගත් කතා බහක් මැදට සිවිල් ඇඳුමින් පැමිණ ඇති බීමත් පොලිස් නිලධාරියා ඔහුගේ කමිසයෙන් ඇද තර්ජනය කර ඇති අතර එයින් පසුව ඇති වූ වචන හුවමාරුවක් කෙළවර අදාළ පොලිස් නිලධාරියා ග්‍රෑන්ඩ් පාස් පොලිසියේ තවත් නිලධාරීන් පිරිසක් සමග යළි පැමිණ ඔහුට මග දිගට පහර දෙමින් පොලිසියට රැගෙන ගොස් තිබේ.
පොලියි තුළ දී ද ඔහුට අමානුෂික ලෙස පහර දී ඇති බවට පැමිණිලි කර තිබේ. මෙම පහර දීම හේතුවෙන් හිසෙන් නාසයෙන්, කනෙන් ලේ ගැලීම් සිදුවන බවත් ඔහුගේ වම් අත කඩා දමා ඇති බවත් ඔහුගේ බිරිය කළ පැමිණිල්ලේ සදහන්ව ඇත.
කෙසේ වුවද මෙම සිද්ධියට මුල් වූ අපරාධ අංශ ස්ථානාධිපතිවරයා තමන් එම අවස්ථාවේ මත් පැන් පානය කර සිටි අතර වැරදීමකින් සිදුවූ පහර දීමක් බවට පවසා සිද්ධිය සමථයකට පත් කර ගැනීමට ආයාචනය කර ඇති බවද සඳහන් වේ.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…