මැතිවරණය ඉල්ලා කොළඹ ආ මිනිස්සුන්ට පොලීසියෙන් කදුළු ගෑස් !

අධික වර්ෂාව මධ්‍යයේ කොළඹ දී සංවිධානය කර තිබූ සජබ විරෝධයට පොලීසියෙන් කඳුළු ගෑස් සහ ජල ප්‍රහාරයක් එල්ලකර තිබේ.

පළාත් පාලන ආයතන ඡන්ද විමසීම කල් දැමීමට ආණ්ඩුව ගන්නා උත්සාහයට එරෙහිව සමගි ජනබලවේගය සංවිධාන කරන විරෝධතාවයක් කොළඹදී අද සංවිධානය කර තිබුනා.

එම පක්‍ෂයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක පැවසුවේ ඡන්ද කල් දැමීමට එරෙහිව අද සිට අඛණ්ඩ විරෝධතා මාලාවක් ක්‍රියාත්මක කිරීමට සිය පක්‍ෂය සැලසුම් කර ඇති බවයි.

ආණ්ඩුව සිතා මතා මැතිවරණය කල් දැමීමට උත්සාහ කරන බවත් ආණ්ඩුවට විශාල පරාජයක් අත්වේ යැයි ඔවුන් බියෙන් පසුවන නිසා මැතිවරණය නොපවත්වා කල් දැමීමට සෑම උත්සාහයක්ම ගනිමින් ඇති බවයි ඔහු සඳහන් කළේ.

මෙම විරෝධතා ව්‍යාපාරය සඳහා වෙනත් දේශපාලන පක්ෂ හා සිවිල් සංවිධාන නියෝජිතයන් එක් කර ගැනීමට බලාපොරොත්තු වන බවයි පාර්ලිමේන්තු මන්ත්‍රී තිස්ස අත්තනායක වැඩිදුරටත් සඳහන් කළේ.