කාන්තාවන්ගේ ඔසප් චක්‍රය පරීක්ෂා කර උපත් පාලනයට ලබා දෙන එන්නතක් සෞඛ්‍ය අමාත්‍යාංශය විසින් සුනඛයන්ට වඳ සැත්කම් කිරීමට යොදා ගැනීම නිසා එම සතුන්ගේ ජීවිතයට බරපතළ තර්ජනයක් එල්ලවී ඇතැයි පශු වෛද්‍ය නිලධාරීහු කියා සිටිති.
සෞඛ්‍ය අමාත්‍යාංශය යටතේ ක්‍රියාත්මක ජලභීතිකා මර්දන වැඩසටහන ක්‍රියාත්මක කරන එන්නත්කරුවන් විසින් අයාලේ යන සුනඛයන්ට මෙම ප්‍රොජෙස්ටරෝන් නැමැති හෝමෝනය මෙම එන්නත හරහා ලබා දෙයි.
මෙම හෝමෝනය යොදා ගැනෙන්නේ මිනිසුන්ගේ උපත් පාලනය සඳහා බව ‘මානුෂික ක්‍රම මගින් සත්ත්ව ගහන කළමනාකරණය කිරීම සඳහා වූ පශු වෛද්‍ය එකමුතුවේ’ සභාපති චමිත් නානායක්කාර පැවසීය.
සුනඛයකුගේ ගැබ් ගැනීම සඳහා දින හතක පමණ කාලයක් ගතවන අතර, මුල් මාසයේදී සුනඛයා ගැබ්ගෙන ඇත්දැයි පරීක්ෂා කිරීමට නම් ස්කෑන් පරීක්ෂණයක් සිදුකළ යුතුය. මෙවැනි කාලයකදී මෙම එන්නත ලබාදීම මගින් කුස තුළ සිටින පැටවුන් මියයෑමේ සම්භාවිතාව වැඩි බවද පශු වෛද්‍යවරු පවසති.
සුනඛයන් කුස තුළ සිටින පැටවුන් මිය ගිය පසුව ගර්භාෂය කුණුවී එහි සැරව පිරෙන අතර එම සැරව උදරය තුළ පැසවීමෙන් සතා මරණයට පත්වන බවද පශු වෛද්‍යවරු කියා සිටිති.
මෙම එන්නත විදීම නිසා සුනඛයන්ගේ උදරය ඉදිමීමට ලක්වන බවද පශු වෛද්‍ය චමිත් නානායක්කාර පවසයි. මෙය දැනුවත්ව සිදුකරන කරන සත්ව ඝාතනයක් බවත් මෙම ක්‍රමය කිසිදු පශු වෛද්‍යවරයකු අනුමත නොකරන බවත් පශු වෛද්‍ය සංගම් නියෝජිතයන් සඳහන් කරති. මෙම එන්නත ලබාදීම නිසා සුනඛයින් තැන් තැන්වල මිය යෑමේ අවස්ථාව වැඩි බවද පශු වෛද්‍යවරු පවසති.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…