මිය ගිය ප්‍රකට ව්‍යාපාරික දිනේෂ් ෂාෆ්ටර් කොළඹ මහ රෝහලේ හදිසි අනතුරු අංශයට ඇතුළත් කිරීමට සම්බන්ද සියලු වෛද්‍ය වාර්තා ලබා දෙන ලෙස තමන් නියෝග කර සතියකට වඩා ගත වී ඇතත් මෙතෙක් එම වාරතා ලබා දීමට ජාතකි රෝහල අපොහොසත්ව ඇති බව ප්‍රකාශ කළ කොලඹ අතිරේක මහෙස්ත්‍රාත් රජින්ද්‍රා ජයසූරිය මහත්මිය ඔහු ඇතුළත් කළ ඇඳ හිස්පත් අංකය යටතේ ප්‍රතිකාර ලැබූ මූලික පරීක්ෂණවලට අදාළ සියලු වාර්තා දින දෙකක් ඇතුළත දී වහා අධිකරණය වෙත ඉදිරිපත් කරන ලෙස ඊයේ (22) කොළඹ ජාතික රෝහලේ අධ්‍යක්ෂවරයා වෙත දෙවැනි වරටත් නියෝග නිකුත් කළාය.
මේ පිළිබඳව දන්වමින් කොළඹ ජාතික රෝහලේ අධ්‍යක්ෂවරයා වෙත සිහිකැඳවීමේ ලිපියක් යොමු කිරීමටද නියෝග කළාය.
ෂාෆ්ටර් මහතාගේ මරණය සම්බන්ධයෙන් අධිකරණ වෛද්‍යවරයා විසින් නිකුත් කළ පශ්චාත් මරණ පරීක්ෂණ වාර්තාවේ ඔහු ප්‍රතිකාර කළ ඇඳ හිස්පතේ අංකය සඳහන් නොවන බැවින් 2022/12/15 වන දිනට අදාළව ප්‍රතිකාර ලබාගත් ඇඳ ඉහපත් වාර්තාව ඇතුළු සියලු අදාළ වෛද්‍ය වාර්තා අධිකරණයට ලබා දෙන ලෙස මරණකරුගේ පාර්ශ්වය විසින් පසුගියදා අධිකරණයෙන් කළ ඉල්ලීමකට අනුව මහේස්ත්‍රාත්වරිය මේ නියෝගය නිකුත් කර තිබුණේ පසුගිය 14 වැනිදා ය.
මිය ගිය ෂාෆ්ටර් මහතා විසින් එම අවසන් වරට භාවිත කළ වතුර බෝතලය, ඔහුගේ ගෙල සිර කර තිබූ කේබල් වයරය හා දෙඅත් බැඳ තිබූ බව කියන සිප් ටයි පටියේ ආගන්තුක ජෛව සාම්පල ඇති බවට රජයේ රස පරීක්ෂකවරයා විසින් නිකුත් කළ රස පරික්ෂක වාර්තාවේ සඳහන් වන බවට අපරාධ පරීක්ෂණ දෙපාර්තමේන්තුව අධිකරණය වෙත දැනුම් දුන් අතර දැනට අධිකරණය වෙත ඉදිරිපත් වූ පශ්චාත් මරණ පරීක්ෂණ වාර්තාව හා කෙටි මරණ පරීක්ෂණ වාර්තා=වේ කරණු පරස්පර බැවින් දිනේෂ් ෂාෆ්ටර් මහතාගේ මරණය ඝාතනයක්ද? සියදිවි නසා ගැනීමක්ද? යන්න නිශ්චිතව පැවසීමේ හැකියාවක් නැති බව සඳහන් කළ මහේස්ත්‍රාත්වරිය ඒ සම්බන්ධයෙන් විශේෂඥ අධිකරණ වෛද්‍ය මණ්ඩලයක මතය විමසීම සුදුසු බවට සඳහන් කළාය.
අතිරේක මහෙස්ථ්‍රාත් රජින්ද්‍රා ජයසූරිය මහත්මිය තවදුරටත් සඳහන් කර සිටියේ තමන් විසින් පස්‍රගිය 17 වැනි දින ලබා දුන් නියෝගවලට අනුව ජ්‍යෙෂ්ඨතම අධිකරණ වෛද්‍යවරුන්ගේ නාම ලේඛනය සෞඛ්‍ය අධ්‍යක්ෂ ජනරාල්වරයා විසින් තමන් වෙත ඉදිරිපත් කර ඇති බවය. එමෙන්ම ජ්‍යෙෂ්ඨතම වෝහාරික මහාචාර්යවරුන් සම්බන්ධයෙන් නාම ලේඛනයක් විශ්වවිද්‍යාල කොමිෂන් සභාවේ අධ්‍යක්ෂ ජනරාල්වරයා තමා වෙත ඉදිරිපත් කර ඇති බව ද ඇය සඳහන් කළාය.එ අනුව ජ්‍යෙෂ්ඨතම අධිකරණ වෛද්‍ය නිලධාරීන් හා විශ්වවිද්‍යාල මහාචාර්ය කථිකාචාර්ය පස්දෙනකුගෙන් යුත් විද්වත් මණ්ඩලයක් ඉදිරි සතියේ පත් කිරීමට කටයුතු සූදානම් කරන බව මහේස්ත්‍රාත්වරිය සඳහන් කළාය.
ඉන්දියාවේ අදානි සමාගම වෙත මන්නාරම් සුළං විදුලි බලාගාර ව්‍යාපෘති සඳහා වෙන්කළ ඉඩම් නැවත ටෙන්ඩර් කැඳවා…
නව පොලිස්පති නීතීඥ ප්‍රියන්ත වීරසූරිය අද (15) පස්වරුවේ ජනාධිපති කාර්යාලයේදී ජනාධිපති අනුර කුමාර දිසානායක හමුව…
අභාවප්‍රාප්ත හිටපු රාජ්‍ය අමාත්‍ය ලොහාන් රත්වත්තේගේ අවසන් කටයුතු එළැඹෙන 17 වනදා සිදුකිරීමට නියමිතව ඇත. පවුලේ…
කොලරාඩෝවේ හි ජීවත් වන හාවුන් වර්ගයක් 'අං' මෙන් වැඩෙන වෛරසයකින් පීඩා විඳින පුවතක් විදෙස් මාධ්‍ය…
ඉන්දියාවේ 79 වන නිදහස් දිනයේදී, රතු කොටුවේ සිට ජාතිය අමතමින් අගමැති නරේන්ද්‍ර මෝදි විසින් පාකිස්තානයට…
මත්ද්‍රව්‍ය උවදුර දැනටමත් මෙරට බරපතළ ගැටළුවක් බවට පත්ව ඇති අවස්ථාවක, වාණිජමය වශයෙන් කංසා වගා කිරීමට…