ලංගම බස් රථයක් තුළදී පුහුණුව ලබන 25 හැවිරිදි තරුණ පවුල් සෞඛ්‍ය සේවිකාවකට ලිංගික අතවර කළ ප්‍රධාන පොලිස් පරීක්ෂවරයෙක්වන දොඩංගොඩ පොලීසියේ විවිධ පැමිණිලි අංශයේ ස්ථානාධිපතිවරයාව බස් රථයේ සිටි මගීන් විසින් අල්ලා අලුත්ගම පොලිස් ස්ථානයට භාරදී ඇතැයි වාර්තා වේ.
ඊයේ (27) සවස් භාගයේ දී මෙසේ අත්අඩංගුවට ගෙන ඇත්තේ කේ.ඩබ්ලිව්.ඒ.කේ. සමරක්කොඩි නැමැති ප්‍රධාන පොලිස් පරීක්ෂකවරයෙකි.
කටුකුරුන්ද ජාතික සෞඛ්‍ය විද්‍යායතනයේ පුහුණුව ලබමින් සිටින තරුණ නිලධාරිණිය බස් රථය තුළ පොලිස් සල්ලාලයාගේ ලිංගික අතවරයට ලක් වී ඇත්තේ පවුල් සෞඛ්‍ය සේවිකා නිල ඇඳුමින්ම ඇය පදිංචි දර්ගා නගරයේ නිවස වෙත යමින් සිටින අතර තුරය.
තරුණිය අසුන්ගෙන සිටි අසුනට පිටුපස අසුනේ සිවිල් ඇඳුමින් සැරසී ඉඳගෙන සිට ඇති මෙම පොලිස් නිලධාරියා අසුන අතරින් අත දමා ඇයට අතවර කර ඇති බව වාර්තා වේ.
මේ අතවරය ඉවසා සිටිය නොහැකි තැන තරුණිය එය බස්රථයේ කොන්දොස්තරවරයාට පැමිණිලි කර තිබේ.
අලුත්ගම පොලිස් ස්ථානයට අනුයුක්තව සේවයේ නිරතව සිටින පොලිස් සැරයන්වරයෙක්ද එම අවස්ථාවේ සිවිල් ඇදුමින් බස් රථයේ ගමන්කරමින් සිට ඇති අතර ඔහු අනෙක් මගීන්ගේ ද සහාය ඇතිව සල්ලාලයා අල්ලා අලුත්ගම පොලිසියට භාර දීමට කටයුතු කර ඇත.
මේ ප්‍රධාන පොලිස් පරික්ෂකවරයෙක් බව හෙළිවන්නේ පොලිස් ස්ථානය තුළ දී ය.
සිද්ධිය සැලවීමත් සමග අලුත්ගම පොලිසියට පැමිණි සහකාර පොලිස් අධිකාරීවරයාගේ නියෝගය මත සැකකරු අත්අඩංගුවට ගෙන තිබේ.
තමා එවැනි අතවරයක් සිදු නොකල බව අලුත්ගම පොලීසියේ නිලධාරීන් කළ ප්‍රශ්න කිරීමේදී ඔහු පවසා තිබේ.
එහෙත් තරුණි පවුල් සෞඛ්‍ය සේවා නිලධාරණිය තමාට සිදුවූ අතවරය ගැන පොලිස් නිලධාරීන් ඉදිරියේ පැහැදිලිවම ප්‍රකාශයක් ලබාදී ඇත.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…