සංවිධානාත්මක අපරාධකරුවකු හා මත්ද්‍රව්‍ය ජාවාරම්කරුවකු වන “වැල්ලේ සුරංග” ගේ සහෝදරයා ඉලක්ක කරගෙන කොටහේන ඉබ්බගෙවත්ත හන්දිය ප්‍රදේශයේ සිදුකළ වෙඩිතැබීමක් ඉලක්කය වැරදීයාමෙන් ඔහුගේ දිවි බේරී ඇතැයි කොටහේන පොලීසිය පවසයි.
කොටහේන රොක් හවුස් ප්‍රදේශයේ පදිංචි ගමගේ සනත් රුවන් නැමැති “වැල්ලේ සුරංග” ගේ සහෝදරයා බිරිඳ සමග පහරදීමක් සම්බන්ධයෙන් වූ නඩුවකට පෙනීසිටීම සඳහා අලුත්කඩේ අංක හය අධිකරණ වෙත යමින් සිටියදී වෙඩි ප්‍රහාරය එල්ල වී ඇතැයි පොලිසිය කියයි
ඉබ්බගේවත්ත හන්දිය ප්‍රදේශයේදී මෝටර් රථයක් වම් පසින් ත්‍රිරෝද රථයට ඉස්සර කර නවතා එයින් බැස ආ පුද්ගලයකු ටී-56 ගිනි අවියක් එල්ල කිරීමත් සමඟම ත්‍රිරෝද රථ රියදුරු ත්‍රිරෝද රථය අත්හැර දමා පළාගොස් තිබුණි.
ඒ සමගම එම රථයේ පිටුපස ගමන්කරමින් සිටි “වැල්ලේ සුරංග” ගේ සහෝදරයාද ත්‍රිරෝද රථයෙන් පිටතට පැන දිවගොස් ඇති අතර වෙඩික්කරු ඔහුට වෙඩි ප්‍රහාරයක් එල්ල කර තිබේ.
නමුත් වෙඩි පහර එම ස්ථානයේ බිමට සහ තාප්පයකට වැදී ඇති අතර හිස් පතරොම් කොපු හතරක් එම ස්ථානයේ තිබී සොයාගත් බව පොලිස් නිලධාරියකු පැවසීය.
කොටහේන පොලිසියේ ස්ථානාධිපති ප්‍රධාන පොලිස් පරීක්ෂක ඩි ජේ. ආර්. එස්. නිශාන්ත කුමාර මහතාගේ උපදෙස් මත අපරාධ අංශයේ ස්ථානාධිපති ප්‍රධාන පොලිස් පරීක්ෂක එන්. පි. ලිහිණියකුල මහතා පරීක්ෂණ පවත්වයි
කොරෝනා වෛරසය ආසාදි වූ ආසාදිත වූ අනුරාධපුර ප්‍රදේශයේ පුද්ගලයෙකු මරණයට පත්ව ඇති බව වාර්තා වේ.…
ඔස්ට්‍රේලියානු ජාතික ව්‍යාපාරිකයකු වන බ්‍රයන් ෂැඩික් නමැත්තාට අයත් රුපියල් මිලියන 20ක මෙරට සමාගම් කොටස් සම්බන්ධයෙන්…
2020 වසරේ පැවති ශ්‍රී ලංකා ප්‍රිමියර් ලීග් ක්‍රිකට් තරගාවලියේදී මුදලට තරග පාවාදීම සඳහා ක්‍රීඩකයෙකුට යෝජනා…
අනුරාධපුර ශික්ෂණ රෝහලේ වෛද්‍යවරියගේ සිද්ධියේ සැකකාර හිටපු යුධ හමුදා සෙබළා කළ ඉල්ලීමක් අනුරාධපුර ප්‍රධාන මහේස්ත්‍රාත්…
හිටපු රාජ්‍ය අමාත්‍ය ශෂීන්ද්‍ර රාජපක්ෂ අල්ලස් කොමිසමට පැමිණ ඇති බව වාර්තා වේ. ප්‍රකාශයක් ලබා දීම…
එක්සත් ජනපද ජනාධිපති ඩොනල්ඩ් ට්‍රම්ප් විසින් රටවල් 12ක ජාතිකයින්ට එක්සත් ජනපදයට ඇතුළු වීම තහනම් කර…