උඩරට මැණිකේ දුම්රිය නතර කිරීමට උත්සහ දැරූ අරුම පුදුම මිනිසා (PHOTOS)

කොළඹ සිට බදුල්ල බලා ධාවනය වෙමින් තිබූ උඩරට මැණිකේ දුම්රිය නතර කිරීමට උත්සහ දැරූ පුද්ගලයෙකු එම දුම්රියේ ගැටී බරපතල ලෙස තුවාල ලබා තිබෙනවා.

එම පුද්ගලයා අද (18) දික්ඔය මුලික රෝහල වෙත ඇතුළත් කළ බව හැටන් පොලීසිය පැවසුවා.

අද (18) පස්වරු 1 ට පමණ රොසැල්ල සහ හැටන් දුම්රිය ස්ථාන දෙක අතර හැටන් මල්ලිඅප්පුව ප්‍රදේශයේදී මෙම අනතුර සිදුවී තිබෙනවා.

නිවසේ ඇති වූ ආරව්ලක් හේතුවෙන් උරණ වී තුවාලකරු බීමත්ව දුම්රිය මාර්ගයේ මැදට වී ධාවනය වෙමින් තිබු දුම්රිය නැවත්වීමට උත්සහ ගැනීමේදී මෙලෙස අනතුරට ලක් වී තිබෙනවා.

තුවාල ලැබූ පුද්ගලයා හැටන් දික්ඔය පොඩයිස් වතුයායේ පදිංචි කරුවෙකු බව පොලීසිය අනාවරණය කළා.