ජාත්‍යන්තර අපරාධ අධිකරණය විසින් රුසියානු ජනාධිපති ව්ලැදිමීර් පුටින් ඔවුන්ට අවශ්‍ය අපරාධකරුවෙකු ලෙස නම් කර තිබෙනවා. විදෙස් මාධ්‍ය පැවසුවේ ජාත්‍යන්තර අපරාධ අධිකරණය මගින් රුසියානු ජනාධිපති ව්ලැදිමීර් පුටින් අත්අඩංගුවට ගැනීම සඳහා වරෙන්තු නිකුත් කර ඇති බවයි.
ඒ, වසරක් පුරා ක්‍රියාත්මක යුක්රේන යුද්ධයේදී ව්ලැදිමීර් පුටින් යුද අපරාධ සිදුකර ඇති බවට චෝදනා කරමින්. නීතියට පටහැනි ලෙස යුක්රේන දරුවන් රුසියාවට රැගෙන යාම සම්බන්ධයෙන් ද ව්ලැදිමීර් පුටින්ට චෝදනා එල්ල වනවා.
එමෙන්ම රුසියාවේ ළමා අයිතිවාසිකම් පිළිබඳ ජනාධිපති කොමසාරිස් මාරියා බෙලෝවාටට් ද , සමාන චෝදනා මත වරෙන්තු නිකුත් කර ඇති බවයි විදෙස් මාධ්‍ය වාර්තා කළේ.
එහෙත් රුසියාව ජාත්‍යන්තර අපරාධ අධිකරණයේ සාමාජික රටක් වන්නේ නැහැ. එබැවින් ජාත්‍යන්තර අපරාධ අධිකරණය මගින් නිකුත් කරන ලද වරෙන්තුව රුසියානු නායකයාට බලාත්මක කිරීමට සැලසුම් කර ඇත්තේ කෙසේද යන්න පැහැදිලි නොමැති බවයි විදෙස් මාධ්‍ය පවසන්නේ.
කෙසේවෙතත් ඇතැම් වාර්තා පවසන්නේ ව්ලැදිමීර් පුටින් වර්තමානයේදී රුසියාවේ ජනාධිපතිවරයා වුව ද අනාගතයේ දිනක ඔහුට එය අහිමි වනු ඇති බවයි. එවැනි අවස්ථාවකදී ඔහුට එරෙහිව නීතිය ක්‍රියාත්මක කළ හැකි බව විචාරකයන් පවසනවා.
කෙසේවෙතත් මේ සම්බන්ධයෙන් ප්‍රතිචාර දක්වමින් රුසියානු ජනාධිපති මන්දිරයේ ප්‍රකාශකයා පවසන්නේ ජාත්‍යන්තර අපරධ අධිකරණය මගින් නිකුත් කළ වරෙන්තුව පිළිගත නොහැකි බවයි.
එය නොසලකා හරින බව ද රුසියාව තරයේ ප්‍රකාශ කර ඇතැයි වාර්තා වනවා. කෙසේවෙතත් ජාත්‍යන්තර අපරාධ අධිකරණයෙන් රුසියානු ජනාධිපතිවරයාට වරෙන්තු නිකුත් කිරීම ඓතිහාසික තීරණයක් බවයි යුක්රේන විදේශ කටයුතු අමාත්‍යාංශය සඳහන් කළේ
දින දෙකක් වයසැති කුඩා බිළිඳෙකු රුපියල් 75,000ක මුදලකට අලෙවි කිරීමට තැත්කිරීමේ චෝදනාවට වරදකරු කෙරුණු 46…
කොරෝනා වෛරසය ආසාදි වූ ආසාදිත වූ අනුරාධපුර ප්‍රදේශයේ පුද්ගලයෙකු මරණයට පත්ව ඇති බව වාර්තා වේ.…
ඔස්ට්‍රේලියානු ජාතික ව්‍යාපාරිකයකු වන බ්‍රයන් ෂැඩික් නමැත්තාට අයත් රුපියල් මිලියන 20ක මෙරට සමාගම් කොටස් සම්බන්ධයෙන්…
2020 වසරේ පැවති ශ්‍රී ලංකා ප්‍රිමියර් ලීග් ක්‍රිකට් තරගාවලියේදී මුදලට තරග පාවාදීම සඳහා ක්‍රීඩකයෙකුට යෝජනා…
අනුරාධපුර ශික්ෂණ රෝහලේ වෛද්‍යවරියගේ සිද්ධියේ සැකකාර හිටපු යුධ හමුදා සෙබළා කළ ඉල්ලීමක් අනුරාධපුර ප්‍රධාන මහේස්ත්‍රාත්…
හිටපු රාජ්‍ය අමාත්‍ය ශෂීන්ද්‍ර රාජපක්ෂ අල්ලස් කොමිසමට පැමිණ ඇති බව වාර්තා වේ. ප්‍රකාශයක් ලබා දීම…