ලෝක මලල ක්‍රීඩා උළෙලේ පාලක මණ්ඩලයෙන් සංක්‍රාන්ති ලිංගික කාන්තාවන්ට අසාධාරණයක් !

ලෝක මලල ක්‍රීඩා උළෙලේ ජාත්‍යන්තර ඉසව්වල කාන්තා අංශයේ තරඟ කිරීම සම්බන්ධයෙන් විශේෂ තීරණයක් ගෙන තිබෙනවා.

ඒ අනුව සංක්‍රාන්ති ලිංගික කාන්තාවන්ට ලෝක මලල ක්‍රීඩා උළෙලේ තරග කිරීම තහනමට ලක් කර ඇති බව විදෙස් මාධ්‍ය වාර්තා කළා.

එහි පාලක මණ්ඩලය මේ සම්බන්ධයෙන් අදහස් දක්වමින් කියා සිටියේ, එළඹෙන මාර්තු 31 වැනිදා සිට කාන්තා ලෝක ශ්‍රේණිගත කිරීමේ තරග සඳහා කිසිදු සංක්‍රාන්ති ලිංගික ක්‍රීඩිකාවකට සහභාගි වීමට ඉඩ නොතබන බවයි.

මීට අමතරව සංක්‍රාන්ති ලිංගිකයන් හට ඇති සුදුසුකම් සහ මාර්ගෝපදේශ පිළිබඳ වැඩිදුර පර්යේෂණ පැවැත්වීමට නියමිතයි.

එමෙන්ම මේ සඳහා ක්‍රියාකාරී කණ්ඩායමක් පත්කිරීමට නියමිත බවද විදෙස් මාධ්‍ය වාර්තා කළා.

මෙම කණ්ඩායම මෙහෙය වීම සඳහා අවස්තාව ලබාදීමට සැලසුම් කර ඇත්තේ.,
කණ්ඩායමේ නායකයා ලෙස කටයුතු කරන ස්වාධීන පුද්ගලයෙක්
කවුන්සිලයේ සාමාජිකයින් තිදෙනෙක්
මලල ක්‍රීඩා කොමිසමේ ක්‍රීඩක ක්‍රීඩිකාවන් දෙදෙනෙක්
සංක්‍රාන්ති ලිංගික ක්‍රීඩකයෙක්
ලෝක මලල ක්‍රීඩා සාමාජික සංගම් නියෝජිතයින් තිදෙනෙක්
ලෝක මලල ක්‍රීඩා සෞඛ්‍ය හා විද්‍යා දෙපාර්තමේන්තුවේ නියෝජිතයින් පිරිසක්

නමුත් මේ සම්බන්ධයෙන් අදහස් දක්වමින් පාලක මණ්ඩලයේ සභාපතිවරයා සඳහන් කළේ, දැනට ජාත්‍යන්තර වශයෙන් තරග කරන සංක්‍රාන්ති ලිංගික ක්‍රීඩක ක්‍රීඩිකාවන් නොමැති බවයි.