රයිගම් ටෙලි සම්මාන උළෙල – විශිෂ්ටතම නළුවා/නිළිය සහ ජනප්‍රියතම නළුවා/නිළිය මෙන්න !

කොළඹ shangri la හෝටලයේදී දහනව වෙනි රයිගම් ටෙලි සම්මාන උළෙල ඊයේ පැවැත්වුනා. පසුගිය වසරේ රුපවාහිනී නාලිකාවල විකාශනය වූ ටෙලි නාට්‍ය අතරින් මෙම සම්මාන උළල ජනතා ඡන්දයෙන් පැවැත්වෙන අතර මෙවර රයිගම් සම්මාන උළෙල පැවැත් වෙන්නේ 19 වෙනි වරටයි.

ජනප්‍රියතම රංගන ශිල්පියා සම්මානය සඳහා වැඩි ජනතා ජන්දයෙන් ඉදිරියෙන්ම සිටියේ උද්දික ප්‍රේමරත්න සහ සචින් ලියනගේයි. ඒ අතරින් ජනප්‍රියම නළුවා ලෙස වැඩි ජනතා ඡන්දයෙන් තේරී පත්වීමට උද්දික ප්‍රේමරත්න සමත් වුනා.

ජනප්‍රියතම රංගන ශිල්පිණිය සම්මානය සඳහා වැඩි ජනතා ජන්දයෙන් ඉදිරියෙන්ම සිටියේ ශලනි තාරකා සහ දුශේනි මියුරංගයි. ඒ අතරින් ජනප්‍රියම රංගන ශිල්පිණිය ලෙස වැඩි ජනතා ඡන්දයෙන් තේරී පත්වීමට දුශේනි මියුරංගි සමත් වුනා.

එමෙන්ම වසරේ විශිෂ්ටතම ටෙලි නාට්‍යය ලෙස මාණික්කාවත සම්මානයෙන් පිදුම් ලැබූ අතර වසරේ විශිෂ්ටතම ටෙලි නාට්‍ය නිළිය ලෙස සම්මානයට පාත්‍ර වුයේ මාණික්කාවත නාට්‍යයේ ගුණාදරීගේ චරිතයට පණ පෙවූ වොල්ගා කල්පනී.

වසරේ විශිෂ්ටතම ටෙලි නාට්‍ය නළුවා ලෙස ජගත් චමිල සම්මානය ලබා ගත්තා.