බෙංගාල බොක්ක කලාපයේ සුවිශේෂී ආර්ථික කලාපයක් වන බංග්ලාදේශය ආශ්‍රිත මුහුදේ තෙල් හා ගෑස් ගවේෂණයක් සිදු කරමින් සිටින Hai Yang Shi You 760 නම් චීන සමීක්ෂණ යාත්‍රාව පිළිබඳව ඉන්දියාව සමීපව නිරීක්ෂණය කරන බව වියොන් පුවත් සේවය වාර්තා කරනවා.
චීනයට අයත් මෙම භූ කම්පන සමීක්ෂණ යාත්‍රාව පසුගිය දෙසැම්බර් 29 වැනි දා රාත්‍රියේ මලක්කා සමුද්‍ර සන්ධිය හරහා ඉන්දීය සාගර කලාපයට ඇතුළු වූ අතර ඉකුත් ජනවාරි මාසයේ සිට බංග්ලාදේශයේ අදාල කලාපයේ තෙල් හා ගෑස් ගවේෂණ කටයුතු සිදු කරනවා.
මෙම වසරේ මැයි මාසයේ දී අදාල සමීක්ෂණ කටයුතු අවසන් වීමට නියමිතව ඇති අතර වියොන් පුවත් සේවය පවසන්නේ, අදාල නෞකාවට ඉන්දියානු සුවිශේෂී ආර්ථික කලාපයේ කිසිදු සමීක්ෂණ කටයුත්තකට ඉඩ නොතබන බවත් ඉන්දීය නාවික හමුදාව විසින් අඛණ්ඩව අධීක්ෂණය කරන බවයි.
පසුගිය අගෝස්තුවේ දී කලාපීය බලවතා වන ඉන්දියාවේ ආතතිය වැඩි කරමින් නෞකාවට අවශ්‍ය සැපයුම් ලබා ගැනීම සඳහා හම්බන්තොට වරාය වෙත පැමිණි යුවාන් වැන්ග් 5 නැමති චීන සමීක්ෂණ යාත්‍රාව ඉන්දියාව, චීනය සහ ශ්‍රී ලංකාව අතර රාජ්‍ය තාන්ත්‍රික මට්ටමේ මතභේද ඇති කිරීමට ද ඉවහල් වුණා.
කෙසේ නමුත් වියොන් පුවත් සේවය පවසන්නේ, අදාල සිද්ධියෙන් අනතුව එවැනි කටයුතු සම්බන්ධයෙන් ශ්‍රී ලංකාව ඉතා පරෙස්සම් සහගත ක්‍රියා පිළිවෙතක් අනුගමනය කරන බවයි.
තව ද ඉන්දීය සාගරය තුළ චීන ක්‍රියාකාරකම්වල වැඩි විමක් පෙනෙන්නට තිබෙන්නේ, නියාමනය නොකළ චීන යාත්‍රා මගින් ඉන්දීය සාගරයේ මසුන් මැරීමේ ක්‍රියාකාරකම් පවා වැඩි වී ඇති පසුබිමකයි.
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…
ඇල්පිටිය පොලිස් වසමේ ඇල්පිටිය අම්බලන්ගොඩ මාර්ගයේ කුරුඳුගහ හැතැප්ම හන්දියේ අද (15) අලුයම සිදුවූ රිය අනතුරකින්…