සංචාරක ශ්‍රී ලංකා ක්‍රිකට් කණ්ඩායම සහ නවසීලන්ත ක්‍රිකට් කණ්ඩායම අතර (02) මේ වනවිට ඕක්ලන්ඩ් හි දී පැවැත්වෙන පළමු T20 තරගාවලියේ දී සුවිශේෂී සිදුවීමක් දක්නට ලැබුණා.
ඒ නවසීලන්ත කණ්ඩායම ක්‍රීඩා කරන විට දී පෙර තිරයේ දිස්වන ‘NZ’ වෙනුවට ‘Aotearoa’ යන නාමය ආදේශ කර තිබීමයි.
මීට හේතුව සොයා යාමේ දී දැකගන්නට ලැබුණේ මෙවැනි ම සිදුවීමක් මීට පෙර එනම් 2015 වර්ෂයේ දී ද සිදු කර ඇති බවයි.
එනම් නවසීලන්තය විසින් එම වසරේ පැවැත්වුණු අප්‍රිකානු සංචාරයේ දී ද එම වසරේ අගෝස්තු මස 02 වැනි දින සිට සිම්බාබ්වේට එරෙහි පැවැති එක්දින තරගය සඳහා ද මෙම Aotearoa නාමය ආදේශ කරගනු ලැබුවා.
සැබවින්ම Aotearoa යනු කුමක්ද ? එහි තේරුම කුමක්ද සහ අද දිනයේ දී ද නවසීලන්තය විසින් එම නාමය භාවිත කර ඇත්තේ කුමන කරුණක් පදනම් කරගනිමින් දැයි සොයා බැලීම සුවිශේෂී කරුණක් වුණා.
නවසීලන්තය පැවත එන්නේ ආදි ගෝත්‍රික ආදිජන කොටසකින් වන අතර ඔවුන්ගේ පළවෙනි ජනාවාස භූමිය වූයේ නැගෙනහිර පොලිනීසියාවේ යි.
එබැවින් එම වර්ගයාව අතීතයේ පොලිනීසියානුවන් නමින් හැඳින්වූවා.
නවසීලන්තයෙන් සොයා ගත් පුරාවිද්‍යා සාක්ෂි මත ඔවුන් පසුව තායිවානයේ සිට ගිනිකොනදිග ආසියාව හරහා මෙලනීසියාවට සංක්‍රමණය වූ බවයි හෙළිව ඇත්තේ.
පසුව ක්‍රමයෙන් සැමෝවා, ටොංගා සිට හවායි, මාර්කේසාස්, පාස්කු දූපත දක්වා කලාප නවසීලන්ත ජනගහනයක් දක්වා වර්ධනය වූ බවට පිළිගැනෙනවා.
කෙසේවෙතත් ඉන් අනතුරුව නවසීලන්තයේ ප්‍රධාන භාෂාවක් වන ඔම්රි (Omri) භාෂා සතිය සැමරීම උදෙසා මෙම Aotearoa යන නාමය භාවිත කිරීම මීට එක් ප්‍රධාන හේතුවයි.
මෙහි Aotearoa යන වචනයේ තේරුම වන්නේ ‘ දිගු වලාකුළු ඇති දේශය’ යන්නයි.
ඔම්රි භාෂා සම්ප්‍රදාය සමග නවසීලන්තයට කියන තවත් අන්වර්ථ නාමයක් ලෙස එරට ඉතිහාසඥයින් පිළිගන්නේ Aotearoa යන්නයි.
මෙය වර්ණවත් කිරීමට නවසීලන්ත ක්‍රිකට් කණ්ඩායමේ ක්‍රීඩක කමීසයේ ඉදිරිපස ද එම ලාංඡනය සටහන් කර තිබෙනවා.
Maori යන නමින් නවසීලන්තයේ චැතම් දූපත්වල සිට පැමිණෙන එරට සංස්කෘතික ජනයා තමන්ටම ආවේණික සංස්කෘතික සම්ප්‍රදායක් බිහි කරගැනීම ද මීට හේතුවක්.
සිය භාෂා සංස්කෘතිය සමරමින්, ක්‍රිකට් එක් ජාතියකට පමණක් නොව, ක්‍රීඩාවට ඇල්ම ඇති ස්ත්‍රී / පුරුෂ භේදයකින් තොරව ඕනෑම අයෙකුට විනයවත් ව ක්‍රීඩා කිරීමට ඇති හැකියාව තිබෙන ක්‍රීඩාවක් බවට ක්‍රිකට් හැඳින්වීම සම්බන්ධයෙන් ලෝකයාට ගෙන යන පණිවිඩයක් ලෙසයි නවසීලන්තය විසින් මෙම Aotearoa යන වචනය ආදේශ කර ඇත්තේ.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…