ඩෙංගු ඇන්ටිජන් හා පූර්ණ රුධිර ගණන පරීක්ෂාව සඳහා රෝගීන්ගෙන් අමතරව රුපියල් 1,350 ක මුදලක් අයකර ගත් බව පැවසෙන දෙහිවල ප්‍රදේශයේ පිහිටි පෞද්ගලික රෝහලකට රුපියල් ලක්ෂ 15 ක දඩයක් නියම කළ බව පාරිභෝගික කටයුතු පිළිබද අධිකාරියේ කොළඹ දිස්ත්‍රික් ඒකකයේ ජේෂ්ඨ විමර්ශන නිලධාරී ඊ යු රන්ජන පවසනවා.
එය පාරිභෝගික කටයුතු පිළිබද අධිකාරිය විසින් මෙතෙක් පෞද්ගලික රෝහලකට හෝ රසායනාගාරයක් සඳහා පැනවූ වැඩිම දඩ මුදල බවයි ඔහු සඳහන් කළේ.
ඩෙංගු ඇන්ටිජන් පරීක්ෂාවක් සඳහා ගැසට් පත්‍රයේ සඳහන් නියමිත ගාස්තුව වන රුපියල් 1200ක මිල ඉක්මවා රුපියල් 2500 ක මුදලක් හා පූර්ණ රුධිර ගණන පරීක්ෂණය සඳහා නියමිත ගාස්තුව වන රුපියල් 400 ක මුදල ඉක්මවා රුපියල් 550ක මුදලක් ද අදාළ පුද්ගලික රෝහල මගින් රෝගීන්ගෙන් අය කර තිබූ ඇති බව විමර්ශනවලදී අනාවරණ වී තිබෙනවා.
අදාළ රෝහලට එරෙහිව ගල්කිස්ස මහේස්ත්‍රාත් අධිකරණය හමුවේ චෝදනා ගොනු කිරීමෙන් අනතුරුව එම දඩ මුදල නියම කර තිබෙනවා.
මත්ද්‍රව්‍ය උවදුර දැනටමත් මෙරට බරපතළ ගැටළුවක් බවට පත්ව ඇති අවස්ථාවක, වාණිජමය වශයෙන් කංසා වගා කිරීමට…
ලංකාව තුළ සමලිංගිකත්වය ව්‍යාප්ත කිරීම සඳහා විදේශීය සංවිධාන සමග එක්වී පිරිසක් කටයුතු කරමින් සිටින බව…
හිටපු රාජ්‍ය අමාත්‍ය ලොහාන් රත්වත්තේ ජීවිතක්ෂයට පත්ව ඇති බව වාර්තා වේ. මිය යන විට ඔහු…
හිටපු ප්‍රාදේශීය සභා මන්ත්‍රී ශාන්ත මුදුන්කොටුව හෙවත් 'බනා මන්ත්‍රී' නැමැත්තා ඝාතනය සම්බන්ධයෙන් වැදගත් තොරතුරු රැසක්…
මහනුවර දිස්ත්‍රික්කයේ ප්‍රාදේශීය රෝහලක ගිලන් රථ රියැදුරකු සෞඛ්‍ය කාර්ය සහයිකාවකට ගිලන් රථයක් තුළ දී අතවර…
අද මධ්‍යම රාත්‍රියේ සිට වෙන්කළ ආසන සහිත දුම්රිය ධාවන රාජකාරීවලින් ඉවත්වීමට දුම්රිය නියාමක සංගමය ගත්…