මැදවච්චිය දුම්රිය ස්ථානයේ නවතා තිබූ බවුසර් රථයකින් ඉන්ධන සොරකම් කිරීමේ සිද්ධියට අදාළ විමර්ශනවල ප්‍රගතිය දැක්වෙන වාර්තාවක් ලබන 26 වනදා අධිකරණය හමුවට ඉදිරිපත් කරන ලෙස කැබිතිගොල්ලෑව කොට්ඨාශ අපරාධ විමර්ශන අංශය වෙත මැදවච්චිය මහේස්ත්‍රාත් ප්‍රියන්ත හාල්යාල නියෝග කර තිබෙනවා. ඒ, එම විමර්ශන අංශය විසින් සිද්ධිය සම්බන්ධයෙන් අධිකරණයට කළ කරුණු දැක්වීමක් සැළකිල්ලට ගනිමින්.
අදාළ බවුසර් රථයේ තිබූ ඩීසල් ලීටර් 1,510 ක් ඉතා සූක්ෂම ආකාරයෙන් සොරාගෙන තිබෙනවා. එහි වටිනාකම රුපියල් ලක්ෂ හතකට ආසන්න වන බවයි පොලීසිය පැවසුවේ.
අදාළ සිද්ධිය සම්බන්ධයෙන් දුම්රිය ආරක්ෂක නිලධාරියෙකු විසින් කැබිතිගොල්ලෑව කොට්ඨාශ අපරාධ විමර්ශන අංශයට පැමිණිල්ලක් කර තිබුණා. ඒ අනුව අදාළ සිද්ධිය සම්බන්ධයෙන් මූලික විමර්ශන අරඹා මේ වනවිටත් පුද්ගලයින් කිහිප දෙනෙකුගෙන් ප්‍රකාශ සටහන් කර ගෙන ඇති බවයි එම විමර්ශණ අංශය අධිකරණයට දැනුම් දුන්නේ.
මෙම ඩීසල් සොරකම සම්බන්ධයෙන් දුම්රිය දෙපාර්තමේන්තුව මගින්ද වෙනමම මූලික විමර්ශනයක් සිදු කර ඇති අතර එම විමර්ශන වාර්තාවට අනුව මෙම ඩීසල් සොරකමට වගකිව යුත්තන් ලෙස නම් කර ඇත්තේ අනුරාධපුර දුම්රිය ස්ථානයේ ආරක්ෂක කාර්ය භාර නිලධාරියා ඇතුලු තිදෙනෙක්.
ලොව වඩාත් ජනප්‍රියම සහ තරගකාරී ලීග් ක්‍රිකට් තරග මාලාව වන, ඉන්දියන් ප්‍රීමියර් ලීග් 2025 තරගාවලිය…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…