වව්නියාව නෙදුන්කේනි ප්‍රදේශයේ පිහිටි වෙඩුක්කුනාරි නොහොත් වඩුන්නාගල පුරාවිද්‍යා භූමියේ තිබූ දේව ප්‍රතිමා කිහිපයක් කිසියම් පිරිසක් විසින් කඩා ඉවත් කිරීම පිළිබඳව සොයා බැලීමට අමාත්‍ය ජීවන් තොණ්ඩමන් මහතා ඇතුලු පිරිසක් එම ප්‍රදේශයේ නිරීක්ෂණයක නිරත වුණා.
අමාත්‍ය ජීවන් තොණ්ඩමන් මහතා සමඟ අමාත්‍ය ඩග්ලස් දේවානන්ද මහතාද එක්ව තිබූ අතර එම පිරිස් විසින් වඩුන්නාගල පුරාවිද්‍යා භූමියේ තාවකාලිකව ඉදිකොට තිබූ හින්දු කෝවිල් පූජකයින් හමුවී සාකච්ඡාවක නිරත වුණා.
එමෙන්ම අමාත්‍යවරයා විසින් වඩුන්නාගල් පුරාවිද්‍යා භූමියේ ඉදිකොට ඉවත් කරන ලද දේව ප්‍රතිමා වෙනුවට අලුතින් ප්‍රතිමා කිහිපයක් රැගෙනවිත් තිබුනද එම ප්‍රතිමා තැන්පත් කිරීමට නොහැකි බවට නෙදුන්කේනි පොලීසිය විසින් දැනුම් දී තිබුණා.
ඊට හේතුව වී ඇත්තේ අදාල පුරාවිද්‍යා භූමිය සම්බන්ධයෙන් මේ වන විට වව්නියාව අධිකරණයේදී පුරාවිද්‍යා දෙපාර්තමේන්තු නිලධාරීන් විසින් නඩු ගොනුකොට ඇති බැවින් අදාල නඩු අවසන් වන තුරු කිසිදු ඉදිකිරීමක් කළ නොහැකි බවට අධිකරණය මගින් නියෝග කිරීම හේතුවෙන්.
පසුව ජීවන් තොණ්ඩමන් මහතා ඇතුලු පිරිස කොවිල් පූජකවරුන්ගෙන් අදාල ස්ථානය පිළිබඳව ලිපි ලේඛන ලබා දෙන ලෙසටත් තමන් අධිකරණ නියෝගයන්ට එරෙහි නොවන බවටත් දැනුම් දී අදාල ගැටලුව සමබන්ධයෙන් ජනාධිපතිවරයා සමග සාකච්ඡා කොට කඩිනම් විසඳුමක් ලබාදෙන බවටද පවසන ලදි.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…