රත්වෙමින් තිබූ රයිස් කුකර් එකක පියනෙන් 16 හැවිරිදි දියණියගේ මුහුණ පිළිස්සූ පියෙකු සම්බන්ධයෙන් ලැබී ඇති පැමිණිල්ලක් අනුව පරීක්ෂණ ආරම්භ කළ බව පින්වත්ත පොලීසිය පවසයි.
පින්වත්ත, වඩුපාසල් වත්ත ප්‍රදේශයේ පදිංචි දැරියක් සිය මව සමග පැමිණ එම පැමිණිල්ල සිදුකර තිබුණි.
පිළිස්සීම් තුවාල සහිත දැරිය සිය මව සමග පෙරේදා (05) රාත්‍රියේ පොලීසියට පැමිණිලි කර, ප්‍රතිකාර සඳහා පානදුර මූලික රෝහලට පිටත්ව ගිය බව පොලීසිය පැවසීය.
දැරිය එදින රාත්‍රි නිවසේ බත් පිසමින් සිට ඇති අතර, සැකකරු රාත්‍රි 7.45ට පමණ නිවස පැමිණ තිබේ. ඒ මොහොතේ දැරියගේ මව අසල වෙළෙඳ සැලකට ගොස් සිට ඇත.
රයිස් කුකර් පියන විවෘත කර බැලූ සැකකරු “මෙතරම් හාල් මොකටද උයන්නේ” යනුවෙන් පවසා රයිස් කුකර් පියන ගෙන දැරියගේ මුහුණට තබා ඇති බවට දැරිය ප්‍රකාශ කළ බව පොලීසිය පැවසීය.
මුහුණ සහ කම්මුල්වල පිළිස්සුම් තුවාල ලැබූ දැරිය ඉක්මනින් රෝහල් ගත කිරීමට යොමුකළ බව පොලිස් නිලධාරීයෙක් කියා සිටියේය.
ජ්‍යෙෂ්ඨ පොලිස් අධිකාරී සමන්ත වෙදගේ සහ සහකාර පොලිස් අධිකාරී නිශාන්ත සේනාරත්න යන මහත්වරුන්ගේ උපදෙස් පරිදි ස්ථානාධිපති ප්‍රධාන පොලිස් පරීක්ෂක පත්ම නන්දන මහතාගේ මෙහෙයවීමෙන් අපරාධ අංශ ස්ථානාධිපති උප පොලිස් පරීක්ෂක නාමල් මහතා මේ සම්බන්ධයෙන් පරීක්ෂණ පවත්වති.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…