අලුත් අවුරුදු නැකැත් සීට්ටුව 2023 – අලුත් අවුරුදු උදාව තව සුලු මොහොතකින් !

මෙවර අප්‍රේල් මස 14 වැනි සිකුරාදා අපර භාග 02.59 ට සිංහල අලුත් අවුරුද්ද උදාවනවා.

බෞද්ධ දින දර්ශණයට අනුව බක් මාසයේ සූර්යයා මීන රාශියේ සිට මේෂ රාශියට සංක්‍රමණය වීමේ දිනය සිංහලයන් නව වසර උදාවීම ලෙස සමරනු ලැබේ.

අලුත් අවුරුද්දක් උදාවනවා යනු සූර්යයා මේෂ රාශියෙන් ගමන් අරඹා රාශි 12 අවසානයේ එනම් මීන රාශියේ අවසානයට ළඟාවීමට ගතවන දින 365 පැය 15 මිනිට්ටු 31 තත්පර 15 ක කාලය නිමාකොට යළි මේෂ රාශියට පිවිසෙන අවස්ථාව ලෙස හැඳින්විය හැකිය.

මේෂ රාශියට පිවිසීම යනු සූර්යයාගේ මධ්‍ය ලක්ෂ‍්‍යය නැගෙනහිර ක්ෂිතිජයේ දක්නට ලැබෙන මොහොතයි. ඉහත කී කාල සීමාව සූර්ය වර්ෂයක් වන අතර මීන රාශියේ සිට මේෂ රාශියට පිවිසීම සූර්ය සංක්‍රාන්තිය ලෙස ජ්‍යොතිෂයේ හඳුන්වා ඇත.  

හින්දු මිත්‍යා හා ප්‍රබන්ධ කතාවලට අනුව සාමයට අධිපති කුමරා ලෙස සලකනු ලබන ‘ඉන්ද්‍රදේව’පොළව වෙත සාමය හා සෞභාග්‍යය ලබා දීම තහවුරු කිරීම නව අවුරුදු උදාව සැලකේ.අවුරුදු කුමරා සුදු පැහැ රථයක නැඟී සුදු මල් වලින් සරසනු ලැබූ හත් රියන් උස ඔටුන්නක් හිස පැලඳ පොළවට වඩියි.

ඔහු පළමුව පොළවේ ගුරුත්වාකර්ශණ බලය බිඳ දමා එය කිරි සයුර හෙවත් කිරි මුහුදේ ගිල්වා ගොඩට ගනු ලබන බවට මිත්‍යා විශ්වාසයක් ගැමි ජනයා අතර පවතී. ආගම් දෙකක්, ජාතීන් දෙකක් එක්ව වර්ථමානයේ සිංහල හා හින්දු අලුත් අවුරුද්ද ලෙස සමරනු ලබයි.