දිනකට මගින් විශාල පිරිසක් එහා මෙහා ගමන් කරන කොටුව ගුවන් පාලම මේ වනවිට ස්ථාන කිහිපයකින් ම දිරාපත්ව ඇති අයුරු දැකගත හැකිය.
මේ පිළිබඳව ඒ අවට ව්‍යාපාරිකයින් කොළඹ මහ නගර සභාව දැනුවත් කර ඇතත්, ඔවුන් අවස්ථා කිහිපයකින් පැමිණ එම ස්ථාන ලකුණු කරගෙන ගොස් තිබේ.
නමුත් මේ වන තෙක් පාලම අලුත්වැඩියා කිරීමට කිසිදු ක්‍රියාමාර්ගයක් ගෙන නොමැති බව වෙළෙඳුන් චෝදනා කරති.
වෙළෙඳුන් වැඩිදුරටත් සඳහන් කර සිටියේ, කොටුව ප්‍රදේශයේ උද්ඝෝෂණ පවතින අවස්ථාවන්වලදී පාලම මතට විශාල පිරිසක් ගොඩවන බවය. මාරක අනතුරක් සිදුවීමට පෙර පාලම අලුත්වැඩියා කරදෙන ලෙස ද එම ප්‍රදේශයේ වෙළෙඳුන් බලධාරීන්ගෙන් ඉල්ලා සිටී.
පාලම යට හා උඩ විශාල පිරිසක් වෙළෙඳාම් කටයුතු පවත්වන අතර, කොටුව දුම්රිය පොළට පැමිණෙන විශාල පිරිසක් ද පාලම භාවිත කරමින් නිරන්තරයෙන් එහි ගැවසෙනු ඇත. එවන් අවස්ථාවක සිදුවිය හැකි අනතුරක් නොසලකා සිටියහොත් එය මහා විපතක් බව ද වෙළෙඳුන් පැවසීය.
පාලම කැඩිලා තියෙන්නේ, මෙතැන ඔක්කෝම දිරලා. දැන් ගොඩක් කල් ඉඳලා. කට්ටිය ලියාගෙන යනවා විතරයි ඒකට මුකුත් නෑ. අපි මෙතැන වෙළෙඳාම් කරනවා. කොයිවෙලේ මේවා වෙයි ද කියලා කියන්න බෑ…
කොළඹ ගංවතුර පාලනය කිරීම සඳහා ආරම්භ කරන ලද ‘වේරන්ස් ගඟ ව්‍යාපෘතිය’ සඳහා වෙන් කරන ලද…
බෲනායි කණ්ඩායමට එරෙහිව වසර 16කට පසු පාපන්දු තරග ජයක් වාර්තා කිරීමට ශ්‍රී ලංකා කණ්ඩායම අද…
ඉඩම් ගොඩකිරීමේ සහ සංවර්ධන කිරීමේ සංස්ථාවේ හිටපු සාමාන්‍යාධිකාරී එම්.ආර්. ශ්‍රීමති මල්ලිකා කුමාරි සේනාධීර අල්ලස් හෝ…
පාසල් ආශ්‍රිත පරිසරය මදුරුවන්ගෙන් තොරව ආරක්ෂිතව පවත්වාගෙන යාම සඳහා නිකුත් කර ඇති උපදෙස් පිළිපදින ලෙස…
නිලධාරීන්ට තම පරණ පුරුදු අත්හැර අලුත් වීමට කාලය පැමිණ ඇති තිබෙන බවත් එසේ වෙනස් වන්නේ…
දින දෙකක් වයසැති කුඩා බිළිඳෙකු රුපියල් 75,000ක මුදලකට අලෙවි කිරීමට තැත්කිරීමේ චෝදනාවට වරදකරු කෙරුණු 46…