සංචාරක අයර්ලන්ත කණ්ඩායම සහ ශ්‍රී ලංකා කණ්ඩායම අතර ගාල්ලේ පැවති 1 වැනි ටෙස්ට් ක්‍රිකට් තරගය ඉනිමකින් සහ ලකුණු 280කින් ජයග්‍රහණය කිරීමට ශ්‍රී ලංකා කණ්ඩායම සමත් වූයේය. මෙම අති දැවැන්ත ජයග්‍රහණය ලබා ගත්තේ දින දෙක හමාරක් පමණක් ක්‍රීඩා කිරීමෙන් අනතුරුවය.
පළමු ඉනිමේ ලකුණු 143කට දැවී ගිය අයර්ලන්ත කණ්ඩායම දෙවැනි ඉනිමේ දී ලකුණු 168කට දවා ගැනීමට ශ්‍රී ලංකා පන්දු යවන්නන්ට හැකි විය. දෙවැනි ඉනිමේ හොඳම පන්දු යැවීම රමේෂ් මෙන්ඩිස්ගෙනි. ඔහු ලකුණු 76ට කඩුලු 04ක් ලබා ගත්තේය. ප්‍රභාත් ජයසූරිය ලකුණු 56ට කඩුළු 03කි. විශ්ව ප්‍රනාන්දු ලකුණු 03ට කඩුළු 02කි.
ප්‍රභාත් ජයසූරිය තරගයේ ඉනිම දෙකේදීම කඩුළු 10ක් ලැබුවේය.
ශ්‍රී ලංකා කණ්ඩායම මුල් ඉනිමේ දී ශතක හතරක් සමග කඩුළු 06කට ලකුණු 591ක් ලබාගෙන ඉනිම අත්හිටුවා අයර්ලන්ත කණ්ඩායමට පන්දුවට පහර දීමට අවස්ථාව ලබා දුන්නේය. නායක දිමුත් කරුණාරත්න ලකුණු 179ක්, කුසල් මෙණ්ඩිස් ලකුණු 140ක්, දිනේෂ් චන්දිමාල් නොදැවී ලකුණු 102ක්, සධීර සමරවික්‍රම නොදැවී ලකුණු 104ක් ලැබුවේය.
අයර්ලන්ත පළමු ඉනිම ලකුණු 143කට සීමා විය. ප්‍රභාත් ජයසූරිය ලකුණු 52කට කඩුළු 07ක් ලැබුවේය. විශ්ව ප්‍රනාන්දු කඩුළු 2ක් සහ රමේෂ් මෙන්ඩිස් කඩුල්ලක් ලැබුවේය. පළමු ඉනිම වෙනුවෙන් අයර්ලන්තයේ වැඩිම ලකුණු ලාභියා වූයේ කඩුළු රකින ක්‍රීඩක ලෝකන් ටකර්ය.
ඉනිමක පරාජයෙන් බේරීම සඳහා ලකුණු 448ක ඉලක්කයක් සහිතව අද උදේ යළිත් වරක් අයර්ලන්ත කණ්ඩායම පිටියට පැමිණියේය. ශ්‍රී ලංකා පන්දු යවන්නන් සියලු දෙනා දැඩි තර්ජනයක් සහිතව පන්දු යැවීමේ නිරතවූහ.
අයර්ලන්ත දෙවැනි ඉනිමත් තේ පානයට පසුව නිමා වූයේය. ඒ ලකුණු 168කට සියලුම දෙනා දැවී යාමෙනි. අයර්ලන්ත දෙවැනි ඉනිම වෙනුවෙන් හෙරී ටෙක්ටර් හතරේ පහර 4ක් සමගින් ලකුණු 42ක් රැස් කළේය.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…