ජාත්‍යන්තර මූල්‍ය අරමුදල සමඟ සහ ශ්‍රි ලංකාවට ණය ලබා දුන් විදේශීය ණය දෙන ආයතන සමඟ ඇති කර ගත් එකඟතාවන්ට අනුව ශ්‍රී ලංකාවේ දේශීය ණය ප්‍රතිව්‍යුහගතකරණය විදේශීය ණය ප්‍රතිව්‍යුහගතකරණයට පෙර සිදු කිරීමට මේ වනවිට යෝජනා වී ඇති බවත් එහිදී මෙරට බැංකු පද්ධතිය සහ සේවක අර්ථසාධක අරමුදල වැනි ආයතනවල ස්ථාවරත්වයට බලපෑ හැකි බැවින් එහිදී කළ යුතු නොකළ යුතු ද් පිළිබඳව රජය දැඩි වගකීමකින් ක්‍රියා කළ යුතුව ඇති බවත් සමගි ජන බලවේග පාර්ලිමේන්තු මන්ත්‍රි එරාන් වික්‍රමරත්න පවසයි.
මන්ත්‍රිවරයා මේ බව සඳහන් කළේ අද (25) පෙරවරුවේ සිරස නාළිකාවේ පැතිකඩ සංවාදය සමඟ එක් වෙමිනි.
එහිදී තවදුරටත් අදහස් දැක්වූ මන්ත්‍රිවරයා විදේශීය ආයතන ණය ලබා දීමත් දේශීය බැංකු රජයට ණය ලබා දීමත් වෙනස්ම තත්ත්ව දෙකක් බවත් පෙන්වා දුන් අතර විශේෂයෙන් ලබා දුන් ණය කප්පාදුකරණයකට ලක් කළ හොත් මෙම බැංකු සහ ශ්‍රි ලංකාවේ විශ්‍රාමිකයන් වෙනුවෙන් පවතින විශාලතම අරමුදල වන සේවක අර්ථ සාධක අරමුදලෙහි ස්ථාවරත්වයට අහිතකර බලපෑම් ඇති විය හැකි බවට අනතුරු ඇඟවූ මන්ත්‍රිවරයාවරයා දේශීය ණය ප්‍රතිව්‍යූහතකරණයේදී විශේෂයෙන් ණය කප්පාදු කිරීමකට ලක් කිරීමට කිසිසේත් එකඟ නොවිය යුතු බව අවධාරණය කළේය.
“ ජාත්‍යන්තර මූල්‍ය අරමුදලට අපි 16 වතාවක් ගිහින් තිබෙනවා. නමුත් මේ පසුගිය හැම වතාවකම අපි ගනුදෙනු කළේ එම අරමුදල එක්ක පමණයි. මෙවර අපට ණය දුන්නු අය එක්කත් ගනුදෙනු කරන්න වෙනවා. මේක නුහුරු පොඩි “එල් බෝඩ්“ ගතියක් වගේ පේනවා.
ශ්‍රි ලංකාව පළමු වතාවටයි මෙවැනි ණය ප්‍රතිව්‍යුහගතකරණයට යන්නේ. නමුත් සමහර රටවල්වලට මේ පිළිබඳව අත්දැකීම් තිබෙනවා. මෙවැනි තත්ත්වයක් තුළ ශ්‍රි ලංකාව කොනකට තල්ලු වෙනවා. ශ්‍රි ලංකාවට ණය දුන් විදේශීය ණය හිමියන් අප තල්ලු කර තිබෙන්නේ මුලින්ම දේහීය ණය ප්‍රතිව්‍යූගතකරණය කරන්න ඕන කියල. “
“සාමාන්‍යයෙන් ණය ප්‍රතිව්‍යුහගතකරණය කරනකොට ඊට අදාල ක්‍රම තුනක් භාවිත වෙනවා. එකක් ණය ගෙවීමේ කාලය කාලය ටිකක් වැඩි කර ගැනීම අනෙක පොලිය අඩු කර දීම. තුන්වැනි එක ගෙවිය යුතු මූලික මුදල අඩු කර ගැනීම . “
“මම මුල ඉඳන්ම කියල කියන්නේ දේශීය ණය ප්‍රතිව්‍යූහගතකරණය කරනවා නම් අපිට මේව කරනන් බැහැ. විශේෂයෙන් ණය මුදල කප්පාදු කිරීම නැතිනම් හෙයාර් කට් කිරීම කරන්න බැහැ ඊට හේතුව රුපියල්වලින් බැලුවම මුදල්වල වටිනාකම අඩුවෙලා තිබෙන්නේ .උද්ධමනයේ ඉහළ යාමත් සමඟ රුපියලේ අගය පහළ ගිහින්. මෙම ණය මුදල් අඩු කරන් ගියොත් දේශීය ව ණය ලබා දුන් ණය හිමියන් අර්බුදයකට යනවා.
විශේෂයෙන් ශ්‍රි ලංකාවේ ප්‍රධාන බැංකු දෙක වන ලංකා බැංකුව සහ මහජන බැංකුව අපි ආරක්ෂා කළ යුතුයි. ඒවා දැනට ස්ථාවරව පවතිනවා. මේ ස්ථාවරත්වය රැක ගක යුතුයි. සේවක අර්ථ සාධඛ අරමුදල මේ රටේ විශ්‍රාමිකයන් වෙනුවෙන් පවතින විශාලතම අරමුදල. එය තවදුරටත් සථාවරව පැවතිය යුතුයි. මේ නිසා මම නැවතත් කියන්නේ රජය කිසිසේත් දේශීය ණය ප්‍රතිව්‍යූහගතකරණයේදී මෙම ණය කප්පාදු කරණයකට ලක් කළ යුතු නෑ.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…